Silvio Oscar Funtowicz

Funtowicz var professor II ved SVT frå februar 2012 til våren 2021, og er no gjesteforskar her. Han er ein vitskapsfilosof som har vore aktiv innanfor feltet vitskaps- og teknologistudiar (STS). Han starta karriera si med å undervise i matematikk, logikk og forskingsmetodologi i Buenos Aires, Argentina. På 80-talet var han forskar ved University of Leeds i England, og fram til han pensjonerte seg i 2011 jobba han for Institute for the Protection and Security of the Citizen (IPSC) ved Joint Research Centre of the European Commission (EC-JRC).

Saman med Jerome R. Ravetz introduserte han konseptet post-normal vitskap (PNS), og i boka deira Uncertainty and Quality in Science for Policy (1990) introduserte dei NUSAP; eit notasjonssystem for handtering og formidling av usikkerheit i vitskap for lovgjeving. Artikkelen hans Science for the post-normal age (1993) er framleis den mest siterte i sitt felt i tidsskriftet Futures, og blei publisert på nytt med eit nyskrive forord relatert til Covid-19-pandemien i mai 2020.

I lag med Ângela Guimarães Pereira kuraterte Funtowicz Science for Policy: New Challenges, New Opportunities and End of the Cartesian Dream; verk som representerar eit viktig kollektivt forsøk på å same tre generasjonar av forskarar innanfor feltet PNS. Eit år seinare publiserte samme forskarfellesskap ei bok om det dei skildrar som ei krise i vitskapen når det gjeld moglegheiten til å reprodusere og kvalitetskontrollere forsking.

Funtowicz har også samarbeidd med forskarar ved SVT. Saman med professor Roger Strand har han undersøkt handlekraft (agency) i periodar med endring. I artikkelen Change and commitment - beyond risk and responsibility (2011) argumenterar Funtowicz og Strand at når det gjeld nye og globale truslar, så bør ein skifte ut ein risikofokusert visjon basert på føreseiing og kontroll med ein visjon basert på forplikting.

NUSAP, systemet Futowicz og Ravetz introduserte, vart seinare utvikla som eit fullstendig system for vurdering av kunnskapskvalitet av professor i vitskapsteori ved SVT, Jeroen P. Van Der Sluijs.

I tillegg har Funtowicz jobba med Andrea Saltelli, professor II ved SVT. Med Saltelli og fleire andre utvikla han konseptet "sensitivity auditing", ei utviding av sensitivitetsanalyse av statistiske og matematiske modellar som blir brukt inn mot utforming og vurdering av lovgjevingsforslag.

Funtowicz er forfattar av eit utal bøker og artiklar innanfor felt som miljørelatert og teknologisk risiko og forsking relatert til lovgjeving. Han har ei lang karriere som førelesar bak seg, og har delteke i redaksjonsstyret i mange publikasjonar, samt i vitskaplege komitar for mange prosjekt og internasjonale konferansar.