Siri Elisabeth Bernssen

Siri Elisabeth Bernssen fullførte master i rettsvitskap ved Universitetet i Bergen i 2017, og er frå 2019 tilsett som stipendiat i rettshistorie.

Det overordna temaet for PhD-prosjektet er seksuell omgang med barn i norsk strafferettshistorie. Gjennom undersøkingar av både rettslege og utanomrettslege kjelder skal avhandlinga ikkje berre gje ei framstilling av korleis retten har endra seg, men også drøfte kvifor denne utviklinga har skjedd. I tillegg til ei rettshistorisk framstilling, er eit av hovudmåla å identifisere og bidra til større forståing og medvit kring dei grunnleggande verdiane og normative førestillingane som dagens strafferettslege regulering av seksuell omgang med barn er eit produkt av.

Siri Elisabeth har tidlegare arbeidd med ulike rettshistoriske problemstillingar knytt til transkriberte tingbøker frå 1600- og 1700-talet, og publisert fleire artiklar kring dette. 

Siri Elisabeth er tilknytt forskergruppa familie-, barne-, arve-, og personrett, forskergruppa for rettskultur og forskergruppa for strafferett og straffeprosess. Ho vert rettleia av Jørn Jacobsen og Jørn Øyrehagen Sunde.