Musikkterapi, master, 5 år

Ny student

Ny student

Velkommen til studiestart for nye studentar på Femårig integrert masterprogram i musikkterapi, eit studium ved Fakultet for kunst, musikk og design.

Her finn du den viktigaste informasjonen om studiestarten din.  

Frammøte: Studiestart er måndag 16. august. Meir informasjon kjem. Vi ønsker å ha flest mogleg aktivitetar på campus, men ver førebudd på at studiestarten kan bli digital. 

Ta med: Det kan være greitt å ha med PC/nettbrett til registrering, men det er ikkje naudsynt. 

Program: Her finn du program for studiestarten.

Sjekkliste: Frå slutten av juli kan du bruke sjekklista for å bli klar til studiane. 

Krav til politiattest: Det er krav om politiattest for alle studentar på musikkterapi. Du må sjølv søkje om dette på politi.no. Her må du og laste opp opptaksbrevet du får frå Samordna Opptak. Hugs at saksbehandlingstida hos politiet kan vere opp imot 14 dagar. Politiattesten leverer du innan 20. august.

Krav til medisinsk testing: I samband med praksis eller klinisk undervisning må studentar på musikkterapistudiet og/eller ved bestemte praksisstader gjennomføre undersøking for tuberkulose og meticillinresistente gule stafylokokker (MRSA). Dersom du kommer inn under reglene for disse undersøkingane, har du sjølv ansvaret for å bli undersøkt. Resultatet av undersøkingane må vere klart før du kan starte med praksis.

Teieplikt: Gjennom studiet kjem du til å få tilgang til informasjon som kjem inn under teieplikta (jf. Universitets- og høgskulelova § 4-6). Ved semesterregistrering må du stadfeste at du pliktar å ikkje bryte teieplikta. 

Har du spesielle behov? Les meir og søk om tilrettelegging.

Har du spørsmål? Ta kontakt med oss på studieveileder@kmd.uib.no.

Vi ser fram til ei spanande og utviklande tid saman med dykk.

Det var veldig kjekt allerede fra studiestart. Små klasser gjør at man fort blir en del av en gjeng.

Alexander Bjotveit

Musikkterapeut

Introduksjon

Introduksjon

Kvifor kan musikkterapi vere ei god tilnærming for klientar som er lite motiverte for verbal terapi? Kva tyder «den fyrste song» og musikalsk identitet i den siste stund?

I løpet av studiet arbeider studentane med både musikalsk kompetanse, mellommenneskeleg sensitivitet og evne til teoretisk refleksjon. Du vil kvalifisere deg til å legge til rette for helsefremmande musikkutfalding, til å møte menneske med respekt og forståing og til å grunngi, vidareutvikle og formidle eige arbeid.

Faget og forskingsfeltet musikkterapi fokuserer på relasjonar mellom musikk og helse, i kliniske situasjonar og i kvardagskontekstar. I musikkterapi er det vanleg med ei aktiv tilnærming der klienten sjølv er med på å skape musikk saman med musikkterapeuten.

Kva kan eg bli

Yrkesvegar

Relevans for arbeidsliv

Studiet skal gjere studentane skikka til å gå inn i følgjande yrkesfunksjonar:

1. Musikkterapeutisk og utviklingsstøttande arbeid innan førskule, skule, kulturskule og vaksenopplæring

2. Musikkterapeutisk og førebyggjande arbeid innan ulike miljøtiltak, som barne- og ungdomsarbeid, fengsel og ulike typar interesseorganisasjonar

3. Musikkterapeutisk arbeid innan helsevesenet, inklusivt habilitering, nevrorehabilitering, psykisk helsevern, eldreomsorg og palliativ omsorg

4. Forsking i og formidling av musikkterapi.

Vidare studium

Integrert masterprogram

Studiet inneheld humanistiske, psykologiske, musikkfaglege og musikkterapeutiske emne. Det er to valemne i studiet, med høve til å velje innanfor eit endå breiare spekter av emne. Utdanninga kvalifiserer for musikkterapeutisk yrkesutøving i helsevesenet, pedagogiske kontekstar og samfunnet elles, og skal sette studenten i stand til å gå inn i forpliktande tverrfagleg samarbeid. Studiet gir ei innføring i forsking og formidling av musikkterapi og gir grunnlag for vidare kvalifisering for dette gjennom doktorgradsstudium.

Forsking

Griegakademiets senter for musikkterapiforsking (GAMUT) er eit toneangivande fagmiljø nasjonalt og internasjonalt, med forsking på dei sentrale fagfelta i studiet, som for eksempel musikk som helseressurs i lokalsamfunnet og musikkterapi i psykisk helsevern, kriminalomsorg, nevro­rehabilitering og eldreomsorg. Nokre prosjekt fokuserer på prosessar og klient­perspektiv mens andre fokuserer meir på effekten av musikkterapi.

Sjå også desse studia

Utøvande musikk eller komposisjon, psykologi.

Kva lærer eg

Læringsutbyte

Kunnskapar

Studenten har evne til kritisk refleksjon med utgangspunkt i sentrale verdiar og teoriar innan fagområdet, og kan grunngje, vidareutvikle og formidle eige arbeid. Studenten har òg kjennskap til sentrale kvalitative og kvantitative forskingsmetodar og evner å bruke relevant forskingsmetodikk for utvikling av ny kunnskap.

Studenten har djupneforståing av eige fag og breiddeorientering i høve til feltet musikk og helse, slik at kandidaten er i stand til å samarbeide med andre fagpersonar og med brukarar og pårørande

Dugleikar

Studenten har praktisk-metodisk dugleik og kreativitet innan musikk og er i stand til å engasjere menneske i helsefremjande musikalsk praksis.

Generell kompetanse

Studenten evnar å bruke relevant forskingsmetodikk for utvikling av ny kunnskap. Studenten har god kommunikasjonsevne og mellommenneskeleg sensitivitet og kan møte menneske med respekt og forståing.

Oppbygging

Oppbygging

Studieplanen for studenter som er tatt opp på studieprogrammet høsten 2015 og før finner du her 

Programmet inneheld ex.phil. og ex.fac. og emne i musikkterapi, musikkfag, psykologi, humanistiske og samfunnsvitskaplege fag. I løpet av studietida skal kandidaten ha ulike praksisperiodar, med observasjon og deltaking hjå praksislærarar på ulike musikkterapeutiske felt. Studiet blir avslutta med ei masteroppgåve. I tabellen ser du eit eksempel på korleis studiet kan byggjast opp. Du finn studieplanen for programmet på uib.no/utdanning.

Semester og emne

1. semester Examen philosophicum, Examen facultatum, Innføring i musikkterapi

2. semester Musikkterapi, samspel

3. semester Psykologi, musikkteoretisk emne, bruksmusikk

4. semester Musikkterapi i praksis, musikkteoretisk emne og bruksmusikk

5. semester Frie studiepoeng

6. semester Samfunnsmusikkterapi, Musikkterapeutisk teoriutvikling

7. semester Musikkterapi og oppvekst, helsesektor 1, improvisasjon

8. semester Forskingsmetode, helsesektor 1, improvisasjon

9. semester Masteroppgåve, helsesektor 2, profesjonskunnskap

10. semester Masteroppgåve, helsesektor 2, profesjonskunnskap

Utveksling

Utveksling

UiB samarbeider med ni internasjonale universitet (i Australia, Europa og USA) som satsar på forsking og utdanning innanfor musikkterapi. Dette gjer det mogeleg å utvikle avtalar for utveksling. I tredje studieår er valemna organiserte slik at det er rom for eitt semesters opphald i utlandet. Studentane kan då også velje relevante emne i for eksempel musikk, psykologi, samfunnsfag eller helsefag. Fjerde studieår er det ein blokkpraksisperiode som opnar for opphald i utlandet.

Korleis søke

Søknadsprosedyre

Søk opptak til Universitetet i Bergen og Femårig integrert masterprogram i musikkterapi via Samordna opptak:

http://www.samordnaopptak.no

For søkjarar med generell studiekompetanse er søknadsfristen 15. april.

For spesielle søkjargrupper og for søkjarar med realkompetanse er fristen 1. mars.

For meir informasjon om søknad til det femårige integrerte masterprogrammet i musikkterapi, sjå her.

Opptakskrav

Generell studiekompetanse og opptaksprøve.

For info om opptaksprøven, sjå her. 

Overgangsordninger

Du har høve til å byte studieprogram haust og vår. Informasjon om kva for program som er opne for intern overgang og korleis du søkjer, finn du på uib.no/utdanning.