Optikk

Introduksjon

Mål og innhald

Optikk handlar om å forstå eigenskapane til synleg, ultrafiolett og infraraudt lys, samt å studere korleis lys vekselverkar med materie, og korleis ein kan bygge instrument som enten måler lys direkte eller bruker lys til å måle andre parametrar.

Masterprogrammet i optikk skal gje eit breitt grunnlag og god forståing for aktuelle problemstillingar i faget. I arbeidet med masteroppgåva vert målingar og modellar analysert og vurdert i lys av dei hypotesane som blir testa. Studiet gir erfaring med munnleg og skriftleg framstilling av resultat og teoriar, og trening i å kunne lese og vurdere relevant faglitteratur.

Kva lærer eg

Læringsutbyte

Kandidaten skal ved avslutta program ha følgjande læringsutbyte definert i kunnskapar, ferdigheiter og generell kompetanse:

Kunnskapar

• gjengi fakta og drøfte grunnleggjande idear om vekselverknad mellom lys og materie
• forklare utvalde eksperimentelle metodar og måleteknikkar
• vise generell avansert kunnskap innan optikk, og spesialisert innsikt i eit avgrensa område knytt til mastergradsprosjektet

Ferdigheiter

• utføre eit sjølvstendig, avgrensa forskingsprosjekt under rettleiing, men med stor grad av sjølvstende og eige initiativ, og i tråd med forskingsetiske normer
• handtere og presentere vitskaplege data, drøfte presisjon og nøyaktigheit og bruke programmeringsverktøy for å analysere og behandle data
• analysere problemstillingar i optikk og drøfte måtar å utforske desse på ved hjelp av teori, modellering og eksperimentelle metodar
• orientere seg i fagmiljøet og hente inn, analysere og anvende nødvendige kunnskapar og verktøy som trengs for å utføre eit forskingsprosjekt
• analysere og kritisk vurdere vitskapelege informasjonskjelder og anvende desse til å strukturere og formulere resonnement og nye idear innan optikk
• analysere, tolke og drøfte eigne resultat på ein fagleg god og kritisk måte, og i lys av data og teoriar innan sitt fagområde

Generell kompetanse

• kunne analysere vitskaplege problemstillingar generelt og kunne delta i diskusjon om innfallsvinklar og måtar å løyse problem på
• gje god skriftleg og munnleg framstilling av vitskaplege tema og forskingsresultat
• kommunisere om faglege problemstillingar, analysar og konklusjonar innan optikk, både med spesialistar og med allmennheita
• kunne reflektere over sentrale vitskaplege problemstillingar i eige og andre sitt arbeid
• demonstrere forståing og respekt for vitskapelege verdiar som openheit, presisjon og pålitelegheit

Utveksling

Delstudium i utlandet

Eventuelt opphald ved lærestadar i utlandet avtalast med rettleiar, og skal vere ein del av masteravtalen.

Korleis søke

Studiestart - semester

Haust (Hovudopptak) og vår (suppleringsopptak).

Opptakskrav

Masterprogrammet i fysikk, retning optikk, byggjer på ein bachelorgrad i fysikk, eller tilsvarande.

Bachelorgrad frå UiB som kvalifiserer:

• Bachelorgrad i fysikk
• Bachelor i matematikk, viss PHYS111, PHYS112, PHYS113, PHYS114 og PHYS118 er med i graden. Ett av emnene kan inngå i mastergraden.
• Bachelor i Klima, atmosfære- og havfysikk, viss PHYS112 og PHYS118 eller PHYS119 er med i graden.
• Bachelor i nanofysikk, når emnene MAT112, PHYS114, MAT121 og MAT131 er valgt.

Utrekning av karaktersnitt

For bachelor i fysikk (UiB) beregnes karaktersnitt av følgende emner:

• INF100, PHYS111, PHYS112, PHYS113, PHYS114. For studenter tatt opp fra og med høsten 2019 vil PHYS109 bli inkludert
• De to beste karakterene av emnene PHYS116, PHYS118 eller PHYS119
• De tre beste karakterene av MAT111, MAT112, MAT121, MAT131, MAT212.

Eksterne bachelorgrader som kvalifiserer:

• Bachelorgrad i fysikk
• Bachelorgrader som fyller kravene til grunnleggende emner i matematikk, lineær algebra, differensiallikningar, funksjonar av fleire variable, mekanikk, elektromagnetisme, termodynamikk, moderne fysikk, laboratoriekurs i fysikk og prosjektoppgave/bacheloroppgave eller tilsvarande.

Du må også ha:

• Snittkarakter på minimum C i emna du får opptak på grunnlag av.
• Språkkrava i både norsk og engelsk for dette studieprogrammet dekker du med generell studiekompetanse, anten på grunnlag av norsk vidaregåande skule eller på annan måte.
• Språkkrav for tospråklege program