Washington University, St. Louis og Det juridiske fakultet (BILATERAL - 5. studieår - LLM)

Om avtalen

Kven kan søke

Denne avtalen kan nyttast av studentar på siste studieår av masterprogrammet i rettsvitskap.

For å kvalifisere til LLM-studiar ved Washington University School of Law i St Louis må du ha eit karaktersnitt på sterk C eller betre.

Om visum: Merk at USA endra reglane for handsaming av søknad om studentvisum med effekt frå 18. juni 2025. Dette omhandlar kontoinnstillingar på sosiale medier: "Effective immediately, all individuals applying for an F, M, or J nonimmigrant visa are requested to adjust the privacy settings on all of their social media accounts to "public" to facilitate vetting necessary to establish their identity and admissibility to the United States under U.S. law." (Tekst henta frå nettsidene til USAs ambassade i Norge)

Når i studiet kan eg reise

Studentar som starta på det femårige masterprogrammet hausten 2021 eller seinare kan reise på utveksling i vårsemesteret på tredje studieår. Under utanlandsopphaldet tek du valfrie juridiske emne i staden for emna du ville studert om du var i Bergen.

I tillegg kan alle jusstudentar, både dei på femårig og dei på toårig masterprogram, reise på utveksling i sitt siste studieår. Under dette utanlandsopphaldet fullfører du spesialemna dine, og i nokre tilfelle også masteroppgåva.

Under overskrifta "kven kan søke" finn du ut om utvekslingsavtalen gjeld for studentar på tredje eller på femte studieår, eller begge.

Ved Washington University i St. Louis er det anbefalt å starte på LLM-programmet i haustsemesteret. Det er likevel også mogleg å starte i vårsemesteret.

Språk

Washington University St Louis stiller krav om at jusstudentar frå Bergen tek ein språktest for å dokumentere språkkunnskapar i engelsk. For studieåret 2018/2019 er kravet ein score på 6,5 eller betre på IELTS-testen.

IELTS-testen (eller ein annan språktest) må du ta for eigen regning. I Bergen kan ein ta IELTS-testen ved Folkeuniversitetet sjå opplysningar på denne nettsida. Du treng ikkje ta testen før etter at det er klart at du vil bli nominert til utveksling til Washington University St Louis.

Kva emne kan eg ta

Ved dette universitetet kan du ta ein LLM-grad. Ein LLM er ein eittårig mastergrad i juss, som gir ei grundig spesialisering innanfor eit bestemt rettsområde. Ein LLM sikrar (på visse vilkår) at ein kan få godskriving av heile 5. studieår.

LLM-graden ved Washington Law St Louis er på 24 credits, strekk seg over to semester og svarar til 60 studiepoeng. Til forskjell frå LLM-gradar i Storbritannia som varar i 12 månader, er LLM-programmet i St Louis berre to semester (10 månader). Målgruppa for LLM-programmet er utanlandske studentar som ønsker kunnskap om amerikansk rett. Ein tek fag saman med dei amerikanske studentane som går på "School of Law".

Faga Introduction to U.S. Law & Methods og Fundamentals of US Civil Procedure, Contracts & Corporations er obligatoriske i LLM-graden.

Ein kan velje mellom ein generell LLM-grad eller ei av følgande spesialiseringar (sjå under "LLM Certificates").

Ein kan få godskriving av masteroppgåva ved å skrive ei oppgåve under opphaldet. Oppgåva må tilsvare ei norsk masteroppgåve i omfang (12 000 ord) og fagleg nivå. Det er mogeleg å skrive ei stor oppgåve som kan tilsvare ei norsk masteroppgåve i omfang gjennom å ta emnet "Supervised Research course", der du sjølv vel tema og sjølv finn rettleiar ved Washington Law. Det er óg muleg å skrive ei oppgave gjennom å ta eit "Seminar Course" men i slike fag er oppgåva sjeldan så lang som 12 000 ord. Derfor må ein avklara særskild med kursansvarleg om det er greitt å skrive litt meir for at oppgåva skal kunne tilsvare ei norsk masteroppgåve i omfang. For å kunne få godskriving for masteroppgåve må semesteret, sett under eitt, tilsvare 30 studiepoeng. Ein må difor også ta andre emne i tillegg slik at arbeidsbelastninga totalt er på 12 credits per semester.

Du kan velje blant dei fleste faga som blir tilbydd som del av dei ulike LLM-programma ved Washington University Law St Louis.

Et særtrekk for studiar ved Washington Law i St Louis er at ein kan delta på "Judicial Experiential Learning Program". På dette programmet kan studentane observere det amerikanske rettssystemet ved å vere med i dommaren sitt kammer, samt å møte og jobbe direkte med dommarar.

Det er ein føresetnad at emna du vel ikkje overlappar innhaldsmessig med emne du har teke tidlegare, eller planlegg å ta seinare ved UiB.

Det kan òg være mogleg (på visse vilkår) å utveksle til Washington Law i St Louis i kun eitt semester.

Studieavgift

Gjennom denne avtalen må ein betale skolepengar. Skolepengane for studieåret 2025/2026 er ordinære skulepengar på 72 792 USD. Beløpet kan bli endra i dei komande studieåra. UiB-studentar får rabatt på skolepengane i form av eit stipend frå Washington University og betaler difor berre 45% av ordinære skulepengar.

Dette universitetet har tidlegare stått på lista over lærestader som gir rett til utvida stipend til skulepengar. Sjekk om det framleis står på lista for det komande studieåret. I så fall blir ein større del av skulepengestøtta gjeven som stipend samanlikna med det som er vanleg.

Ein skal òg registrere seg og betale semesteravgift ved UiB for heile den tida ein er ute.

Om forsikring:

Ved amerikanske universitet er det oftast eit krav at studentane kjøper helseforsikring gjennom universitetet. Dette må ein gjere også som utvekslingsstudent. Ved nokre universitet er det mogleg å søke om fritak ("waiver") dersom du har kjøpt eiga forsikring for studentar i utlandet, slik UiB på det sterkaste anbefaler alle å gjere.

Dessverre er det ikkje mogeleg å få fritak frå helseforsikringa ved Washington University, St. Louis. Studentar som vil studere der, må difor betale <ahref="https://shs.wustl.edu/Insurance/Pages/default.aspx">forsikringa</a> sjølve (Lånekassen gir ikkje støtte til å dekke forsikringa).

Om lærestaden

Om lærestaden og byen

Washington University i St Louis, òg kjend som WashU, er eit privat forskingsuniversitet i St Louis, delstaten Missouri. Universitetet vart grunnlagt i 1853 og har i dag kring 15 000 studentar fordelte på 8 fakultet (Colleges and Schools). Studentane kjem frå alle delstatane i USA, og frå totalt 120 forskjellige land. School of Law (WashULaw) vart grunnlagt i 1867, og er dermed eitt av dei eldste private juridiske fakultet vest for elva Mississippi. Ved School of Law er det om lag 800 studentar som utgjer eit svært aktivt studentmiljø med mange studentorganisasjonar ein kan engasjere seg i.

Byen St Louis har litt over 315 000 innbyggarar og har delstaten Missouris største storbybefolkning. Byen er ein typisk universitetsby og dei mange studentane som bur der i tillegg til dei faste innbyggarane gjer byen svært livleg. School of Law ligg på Danforth Campus, eit veldig fint, grønt og livleg område.

Bustad

Universitetet tilbyr studentbustadar på campus. Informasjon om det finn du på denne nettsida. Merk likevel at studentbustadar er eit knapt gode for studentar ved for studentar ved WashULaw. . Ein må derfor vere budd på å søke etter bustad på den private marknaden.

Semesterinndeling

Det akademiske året går frå midten av august til midten av mai. Det er delt inn i to semester med ein trevekers ferie i desember/januar. Det er som regel mogleg å søke om opptak både til semesterstart i august og i januar dersom en reiser i kun ett semester. Det er óg mogleg med oppstart i vårsemesteret på LLM-programmet. Du finn oversikt over semesterdatoar på denne nettsida.