Hjem
Studentsider
erasmus+

Universidad de Zaragoza og Det juridiske fakultet (ERASMUS+ - 3. (og 5.) studieår)

  • LandSpania
  • ByZaragoza
  • Studieplassar4
  • StudienivåBachelor og Master
  • AvtaletypeErasmus+
  • Lengde på opphald1 semester

Hovedinnhold

Om avtalen

Kven kan søke

Denne avtalen kan nyttast av studentar på 3. studieår av masterstudiet i rettsvitskap.

Studieåra 2023/2024 og 2024/2025 kan avtalen også nyttast av studentar på siste studieår av masterstudiet i rettsvitskap (studentar på studieordninga av 2003).

Når i studiet kan eg reise

Studentar som starta på det femårige masterprogrammet hausten 2021 eller seinare kan reise på utveksling i vårsemesteret på tredje studieår. Under utanlandsopphaldet tek du valfrie juridiske emne i staden for emna du ville studert om du var i Bergen.

I tillegg kan alle jusstudentar, både dei på femårig og dei på toårig masterprogram, reise på utveksling i sitt siste studieår. Under dette utanlandsopphaldet fullfører du spesialemna dine, og i nokre tilfelle også masteroppgåva.

Under overskrifta "kven kan søke" finn du ut om utvekslingsavtalen gjeld for studentar på tredje eller på femte studieår, eller begge.

Språk

Undervisningsspråket er spansk, og gode spanskkunnskapar er difor tilrådd. Universitetet tilbyr språkkurs i spansk for internasjonale studentar. I haustsemesteret tilbyr dei eit lite utval "engelskvenlege" kurs. Det vil seie at litteraturen er på engelsk, at ein kan få noko rettleiing på engelsk og ein kan få skrive eksamen på engelsk. Undervisninga gså i desse emna er likevel på spansk.

Kva emne kan eg ta

Ved dette universitetet kan du ta juridiske emne som blir godskrivne som valemne på 3. studieår (2021-studieordninga) eller spesialemne på siste studieår i masterprogrammet i rettsvitskap (2003-studieordninga).

På universitetet sine nettsider finn du ei oversikt over juridiske emne som universitetet tilbyr. På denne nettsida finn du oversikt over "engelskvenlege" kurs.

Universidad de Zaragoza nyttar ECTS-systemet, og ein ECTS-credit er det same som eitt studiepoeng.

Det er ein føresetnad at emna du vel ikkje overlappar innhaldsmessig med emne du har teke tidlegare, eller planlegg å ta seinare ved UiB.

Studieavgift

Erasmusstudentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Bustad

Universitetet har både eigne studentbustader og samarbeider med private utleigeaktørar i dei tre provinsane. Det er òg mogleg å finne bustad på den private marknaden.

Semesterinndeling

Universidad de Zaragoza har historiske røter attende til romartida og ei tidleg kristen rørsle. Fleire av universitetet sine hovudbygningar har tidlegare vore kristne gymnas. Universitetet fokuserer på ingeniørfag og teknologi, eksperimentell vitskap, helsefag, samfunnsfag, humanistiske fag og juss. Det er blant anna kjent for forsking på immunterapeutisk kreftbehandling og har sidan 2003 samarbeidd med Massachusetts Institute of Technology om ein internasjonal master i logistikk. Universitetet har over 40 000 studentar fordelt på 22 fakultet og fem campusområde. Hovudcampusen ligg i Zaragoza og dei fire andre i naboprovinsane Teruel og Huesca.

Den autonome regionen Aragon ligg i innlandet, nordaust i Spania. Geografisk er regionen prega av å ligge midt mellom to fjellkjeder, med dei Iberiske fjella i sør og Pyreneane i nord. Innbyggartalet i Zaragoza på 800 000 utgjer nesten halvparten av det totale innbyggartalet i Aragon.

Informasjon