Hjem

Utdanning

nordplus

Linköpings universitet og Det psykologiske fakultet (NORDPLUS - Nettverk i psykologi)

  • LandSverige
  • ByLinköping
  • AvtaletypeNordplus
  • Lengde på opphald1-2 semester

Om avtalen

Kven kan søke

Profesjonsstudentar i psykologi, og studentar på eit bachelor eller masterprogram i psykologi ved Det psykologiske fakultet, som har bestått eksamenar tilsvarande 60 studiepoeng før utreise

Når i studiet kan eg reise

Bachelor og masterstudentar i psykologi reiser ut i den valfrie delen av sitt studieprogram, og profesjonsstudentar i psykologi kan reise ut i sitt 5. eller 7. semester.

God planlegging er viktig for ei utbyterik utveksling.

Språk

Undervisningsspråket er svensk eller engelsk. Normalt vil det vere uproblematisk å nytte norsk som skriftleg arbeidsspråk når ein er på utveksling i Skandinavia. Ver likevel merksam på at det ved somme lærestader kan vere naudsynt å søke om særskilt løyve for å levere eksamen på norsk.

Dersom du ikkje har nok språkkunnskapar, finst det fleire måtar å førebu seg språkleg på før utreise, sjå uib.no for info om språkkurs og språktandem. Hugs at eit utvekslingsopphald er ein unik sjanse til å skaffe språkkunnskapar du kan ha nytte av vidare i studia og i yrkeslivet.

Kva emne kan eg ta

Psykologi på lågere og høgare grad (BA/MA) avhengig av tilbod og krav om forkunnskapar.

Bachelorstudentar: Dersom du skal ta frie studiepoeng, kan du velje emne fritt innanfor det fagfeltet som avtalen gjeld for. Dersom du skal ta delar av spesialiseringa di i utlandet, må du velje emne som kan godkjennast som tilsvarande emne ved UiB.

Masterstudentar: Du skal ta frie studiepoeng, og kan velje emne fritt på masternivå innanfor det fagfeltet som avtalen gjeld for.

Det er ein føresetnad at emna du vel ikkje overlappar nivåmessig eller innhaldsmessig med emne du har tatt tidlegare, eller planlegg å ta seinare ved UiB.

Dersom du er profesjonsstudent i psykologi og vil ta ein del av spesialiseringa di ved dette universitetet, må du velje emne som kan godkjennast som tilsvarande dei obligatoriske emna på 5. eller 7. semester av profesjonsstudiet ved UiB. Du kan få faglege råd om emnevalet undervegs ved å ta kontakt med internasjonal koordinator ved fakultetet.

Studieavgift

Nordplusstudentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Linköpings universitet blei grunnlagt i 1975, og har i dag 27 500 studentar. Universitetet er delt i fire: Hälsouniversitetet , Filosofifakulteten, Linköpings tekniska högskola og avdeling for Utbildningsvetenskap. Ein stor del av fagtilbodet er profesjonsutdanningar. Det har fire campusar. Campus Valla er størst, og ligg tre kilometer unna Linköping, dernest følgjer campusen i nabobyen Norrköping. Universitetssjukehuset ligg i Linköping sentrum og Campus Carl Malmsten Furniture Studies på Lidingö, utanfor Stockholm.

Linköping har om lag 150 000 innbyggarar, og ligg i det svenske innlandet, midt mellom Austersjøen og innsjøen Vättern. Byen er blant anna kjend for å ha mange høgteknologibedrifter. Kommunen er òg aktiv når det kjem til miljøpolitikk, og tek sikte på å bli ein klimanøytral kommune innan 2025.

Bustad

Det finst studentbustader både ved campusen i Linköping og campusen i Norrköping. Det er òg gode sjansar for å finne rimeleg prisa bustad på den private marknaden i begge byane.

Semesterinndeling

August - januar og januar - juni.

Informasjon