Hjem
Studentsider
erasmus+

Burg Giebichenstein - Hochschule für Kunst und Design Halle og Fakultet for kunst, musikk og design (ERASMUS+)

  • LandTyskland
  • ByHalle
  • Studieplassar2
  • StudienivåBachelor og Master
  • AvtaletypeErasmus+
  • Lengde på opphald1-2 semester

Om avtalen

Kven kan søke

Avtalen gjeld for studentar på bachelor- og masterprogramma i kunst og design. Det er eit krav at du må tatt minst 60 studiepoeng før avreise.

Når i studiet kan eg reise

For bachelorstudentar er det mogleg å reise på utveksling i 3., 4. eller 5. semester. For masterstudentar er 2. semester best eigna for utveksling. Ta kontakt med hovudrettleiar om du er usikker på når det passar best.

Språk

Sjå lærestaden sine heimesider for informasjon om undervisningsspråk.

Kva emne kan eg ta

Frie studiepoeng - du kan velje emne fritt innanfor det fagfeltet som avtalen gjeld for.

Det er ein føresetnad at emna du vel ikkje overlappar i nivå eller innhald med emne du har tatt tidlegare, eller planlegg å ta seinare ved UiB.

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Burg Giebichenstein Kunsthochschule Halle er universitetet for kunst og design i Halle an der Saale som vart oppretta i 1915. Universitetet har omkring 1000 studentar og er eit av dei største universiteta for kunst og design i Tyskland. Burg Giebichenstein har to fakultet, eit designfakultet og eit kunstfakultet. Skulen tilbyr rundt 20 bachelor- og masterkurs, mellom anna i fashion design, Kommunikasjonsdesign og Industriell design.

Halle, òg kalla Halle an der Saale, ligg i delstaten Sachsen-Anhalt. Byen har om lag 250 000 innbyggarar og ligg ved elva Saale. Som namnet på elva hintar om, er han historisk kjend for saltgruvene sine. I dag utmerker Halle seg som ein av Tysklands grønaste byar, med mange parkar og relativt lite biltrafikk.

Informasjon