19.06.2009 Nyhet

Duft av høgsommar i Rosariet

No frå midten av juni kjem dei fleste av dei historiske rosene i blom. Mange av rosene har spesielt god duft og enkelte sorter blir derfor brukt i parfymeindustrien. Eplerosen dufter i tillegg godt frå bladverket når dette vert litt fuktig.

Av Alf Helge Søyland

Rosegartner Daniel Ducroch fortel gjerne om rosene om du treffer ham i rosariet på dagtid.

Rosegartnar Daniel Ducrocq fortel gjerne om rosene om du treffer ham i Rosariet på dagtid. Foto: Terhi Pousi

'Geschwinds Schöneste', som står overst i Geschwinds-hjørnet, kjem seinare med desse fylte rosene.

'Geschwinds Schöneste', som står øvst i Geschwinds-hjørnet, kjem seinare med desse fylte rosene. Foto: Terhi Pousi

Pimpinellerosen "Red Nelly". På solrike dagar eit yrande liv av summande humlar i Rosariet. Foto: Bjørn Moe

Først i blom no er dei ulike hardføre sorter av pimpinelleroser- eller trollnype som dei også kallast. Blomane er mindre enn hos dei fleste andre rosene. Trollnype er viltveksande i deler av Sunnhordland, men ganske sjeldan.

I Rosariet veks dei fleste pimpinellerosene i Villrosebakken. Ved gangvegen i den historiske bakken finn du "Red Nelly", ei pimpinellerose med store blomar og kraftig raudfarge. Opphavet til sorten er ukjent. "Red Nelly" er relativt tidleg og blømer frå ca. 10. juni.

Seinare i juni kjem provinsrosen og alle andre sorter av gallica- og centifoliaroser. Også dei står i den historiske bakken.

”Prestegårdsrosene” som mange kjenner frå gamle hagar som fylte, duftene reint kvite og rosa, kjem i blom i slutten av juni.

Dei meir foredla godt fylte duftroser som Austinroser og andre duftene roser i ”duft og farger” - bedet på den moderne flaten, treng endå noko meir sommarvarme for å utvikle seg.