Handlingsplan for forsking 2024-2025
Handlingsplanen for forsking er eit verkemiddel for å nå fakultetet sine strategiske mål. Planen er forankra i strategien "Rettsvitskap i front" (2023-2030), vedteken av fakultetsstyret 13.06.2023 (styresak 59/23).
Hovedinnhold
Overordna mål: Langsiktig og nyskapande forsking
Fakultetet skal i strategiperioden 2023-2030 styrke forskinga på grunnleggjande utfordringar i rettssystemet og tidsaktuelle problemstillingar i samfunnet. Forskinga skal vere orientert mot den internasjonale forskingsfronten, skje over tradisjonelle disiplingrenser i rettsvitskapen og i dialog med andre vitskapsdisiplinar og samfunnssektorar.
Handlingsplanen for forsking presenterer delmål og aktivitetar som skal sikre høg kvalitet i forsking, forskingsformidling og rekruttering til vitskaplege stillingar i perioden 2024-2025.
Synleggjering av rettsvitskapen sin posisjon som bidragsytar til dei globale berekraftsmåla (SDG) er sentralt i arbeidet med kvalitet i forsking.
Korleis lese handlingsplanen
Delmåla og aktivitetane som er identifiserte i handlingsplanen skal vere dei første stega mot å nå det overordna strategiske målet om å utvikle langsiktig og nyskapande rettsvitskap i den internasjonale forskingsfronten. Fakultetet vil ikkje utvikle eigne handlingsplanar for internasjonalisering, rekruttering, mangfald- og likestilling og formidling for perioden 2024-2025. Delmål og aktivitetar i handlingsplanen for forsking skal såleis også sikre strategisk framdrift på desse felta. Satsingsområda A-F i handlingsplanen reflekterer dette samansette siktemålet:
A: Solide miljø for framifrå forsking
B: Målretta rekruttering
C: Sterk kopling mellom forsking og utdanning
D: Internasjonalt samarbeid og posisjonering
E: Mangfald i perspektiv og personale
F: Vitskapleg publisering og samfunnsdialog
