Informasjonsutveksling som ei føremålsovertreding. Bokdatabase-saka under lupa.

BECCLE inviterer til seminar om Bokdatabase-saka, og korleis saka er med på å klarleggje grensene for når informasjonsutveksling om pris utgjer ei føremålsovertreding etter konkurranselova § 10. Sentralt i denne saka var spørsmålet om det dreia seg om informasjon om framtidige eller noverande prisar, og tilgjengelegheita av denne informasjonen. Innleggshaldarar er konkurransedirektør hos Konkurransetilsynet, Karin Stakkestad Laastad, og partnar i Wikborg Rein, Preben Milde Thorbjørnsen. Etter innlegga blir det høve til å stille faglege spørsmål og diskusjon.