Universidad Autónoma Metropolitana og Det samfunnsvitenskapelige fakultet (BILATERAL)

Om avtalen

Kven kan søke

Alle studentar ved Det samfunnsvitskaplege fakultet kan søke på denne avtalen. Det er krav om at søkarar må ha bestått minimum 60 studiepoeng ved utreise. UAM krever B i karaktersnitt.

Når i studiet kan eg reise

Det er mogeleg å søke for eit semester eller eit heilt år.

Språk

Undervisningsspråk ved universitetet er spansk. Det er naudsynt med gode kunnskapar tilsvarande B2 (CEFR) i spansk for å studere ved UAM. Ein kan ta språkkurs før/under opphaldet.

UAM krever dokumentasjon på språknivå.

Kva emne kan eg ta

Avtalen gjeld samfunnsfag og humanistiske fag. Her finn ein blant anna fagområda «Public Administration», «Political Science», «Sociology», «Economics», «History», «Philosophy», «Social Anthropology» og «Arts and Digital Communication». På denne nettsida finn du meir informasjon og oversikt over emnetilbodet ved universitetet. Det er ein føresetnad at emna du vel ikkje overlappar nivå- eller innhaldsmessig med emne du har tatt tidlegare eller planlegg å ta seinare ved UiB.

Normalt vil 4 emne på 8 «créditos» bli godkjende som tilsvarande 30 studiepoeng.

Studieavgift

Studentar betaler ikkje skolepenger ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Universidad Autónoma Metropolitana (UAM) blei grunnlagt i 1974 og ligg i Mexico City. Universitetet har fem ulike campusar rundt om i byen og rundt 52 000 studentar. Avdelingane for samfunnsvitskaplege og humanistiske fag er lokalisert ved campusen Azcapotzalco, som ligg nord i byen.

Mexico City er hovudstaden og ligg i Valle de México på omlag 2200 meters høgd. Dette gjer klimaet her noko mildare enn i lågare strøk. Det er ein stor by med 9 millionar innbyggarar i bykjerna og 22 millionar i heile det urbane området.

Bustad

UAM vil freistar så langt som råd å tilby studentbustader. Om ikkje det er mogeleg å få til vil innreisande studentar få hjelp til å finne bustad på den private marknaden.

Semesterinndeling

September - desember og januar - juni.