Université d'Avignon et des Pays de Vaucluse og Institutt for geografi (ERASMUS+)

Om avtalen

Når i studiet kan eg reise

Etter at du har bestått eksamenar tilsvarande 60 studiepoeng, kan du tilpasse utreisetidspunktet etter kva som passar med emna i utdanningsplanen. For bachelorstudentar tilrår vi utveksling i 4. og/eller 5. semester, når du kan ta frie studiepoeng.

Kva emne kan eg ta

Forskarar ved Département Géographie studerer tema som geofare, transport og mobilitet, geografiske verktøy (GIS, geosimulasjon), bystudium og romleg planlegging.

Ved Universitetet tilbyr ein pakke med emne for utvekslingsstudentar på denne avtalen i haustsemesteret:

• THE BIG CLIMATE CHALLENGES, 4 ECTS
• MAPPING AND STATISTICS (LEVEL 2 - BIVARIAL ANALYSIS), 4 ECTS
• SYSTEMIC APPROACH OF TERRITORIES , 4 ECTS
• GEOGRAPHICAL APPROACHES TO ENVIRONMENTAL RISKS, 4 ECTS
• GEOMORPHOLOGY, 4 ECTS
• THE URBAN FACT, 4 ECTS
• GEOGRAPHICAL INFORMATION SYSTEMS (GIS), 4 ECTS
• OPEN Teaching Unit, 2 ECTS (to be chosen from various disciplines)

Emna blir undervist på fransk med støtte på engelsk.

Om lærestaden

Om lærestaden og byen

Université d'Avignon er eit offentleg breiddeuniversitet med forsking og utdanning innan fire overordna emneområde: Humaniora og samfunnsvitskap, språk og litteratur, teknologi og naturvitskap og Juss, leiing og økonomi. Desse fire områda er igjen delt inn i 14 faglege avdelingar. Universitetet har 8000 studentar.

Avignon ligg søraust i Frankrike, ved breidda av elva Rhône, 80 kilometer frå middelhavskysten og midt mellom Alpane og Pyreneane. Storbyområdet har om lag 300 000 innbyggarar, men berre ein tredjedel bur i sentrumsområdet. Avignon er kjend for den internasjonale teaterfestivalen som kvart år i juli trekk tusenvis av besøkande til byen.

Bustad

Universitetet har fleire studentbustader på campus og i sentrumsområdet der internasjonale studentar kan søke om bustad. Dei samarbeider med den lokale studentsamskipnaden CROUS. Norske studentar i Frankrike kan søke om økonomisk stønad til bustad gjennom Caisse d'allocations familiales (CAF).

Semesterinndeling

September - januar og februar - juni.