Università degli Studi di Siena og Det juridiske fakultet (ERASMUS+ - 3. og 5. studieår)

Om avtalen

Kven kan søke

Denne avtalen kan nyttast av studentar både på 3. studieår og på siste studieår av masterprogrammet i rettsvitskap.

Når i studiet kan eg reise

Studentar som starta på det femårige masterprogrammet hausten 2021 eller seinare kan reise på utveksling i vårsemesteret på tredje studieår. Under utanlandsopphaldet tek du valfrie juridiske emne i staden for emna du ville studert om du var i Bergen.

I tillegg kan alle jusstudentar, både dei på femårig og dei på toårig masterprogram, reise på utveksling i sitt siste studieår. Under dette utanlandsopphaldet fullfører du spesialemna dine, og i nokre tilfelle også masteroppgåva.

Under overskrifta "kven kan søke" finn du ut om utvekslingsavtalen gjeld for studentar på tredje eller på femte studieår, eller begge.

Språk

Undervisningsspråket er italiensk. Dei har òg ein del emne på engelsk. I haustsemesteret er det nok emne på engelsk til at ein kan fylle semesteret med kun emne som blir underviste på engelsk. I vårsemesteret finst det ikkje like godt utval av emne på engelsk, slik at studentar som ønsker å reise på denne avtalen i vårsemesteret må vera forberedt på å emne på italiensk for å oppnå full semesterbelastning.

Kva emne kan eg ta

Ved dette universitetet kan du ta juridiske emne som blir godskrivne som valemne på 3. studieår (2021-studieordninga) eller spesialemne på siste studieår i masterprogrammet i rettsvitskap (2003-studieordninga og 2021-studieordninga).

Ei oversikt over juridiske emne finn du på universitetet sine nettsider.

Università degli Studi di Siena nyttar ECTS-systemet, og ein ECTS-credit er det same som eitt studiepoeng.

Det er ein føresetnad at emna du vel ikkje overlappar innhaldsmessig med emne du har teke tidlegare, eller planlegg å ta seinare ved UiB.

Studieavgift

Erasmusstudentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Universitá degli Studi di Siena var det første universitetet i Italia som fekk offentleg finansiering. Det ligg i byen Siena, i Toscana. Universitetet har 20 000 studentar, noko som utgjer nesten halvparten av alle byen sine innbyggarar. Det har òg avdelingar i byane Arezzo og Grosseto. Universitetet er særleg kjent for medisin- og jussutdanningane sine, men det er samstudnes eit breiddeuniversitetet med ni fakultet, som òg tilbyr tverrfaglege. Campus ligg i Siena sentrum, eit område som blei ført opp på UNESCO si verdsavliste i 1995.

Sienna er ein liten by, med rundt 50 000 innbyggarar som ligg i Toscana, 50 kilometer sør for Firenze. Byen har litt industri, men er først og fremst ein kultur- og universitetsby. Han er elles blant anna kjend for hestekappløpet «Palio», som arrangerast her to gongar i året.

Bustad

Universitetet har somme studentbustader som er reserverte for internasjonale studentar. For å få tilbod om bustad er det viktig å søke tidleg, ettersom det ikkje alltid er nok bustader til alle. Det er òg mogleg å finne rimeleg prisa bustad på den private marknaden i Siena om ein er ute i god tid.

Semesterinndeling

September - februar og mars - juni.