Borte bra, men vår frodige heimlege hage best

Eksotisk: Denne sjeldne flotte raude orkideen, Disa uniflora, står no i full blom i lag med afrikanske middagsblomer i Fjellhagen. Foto: Alf Helge Søyland

Georginene står like flott sjølv etter kraftig regn. Bak blømer fortsett Montbretia (Crocosmia 'Lucifer') som no overvintar bra ute. Foto: Alf Helge Søyland

Busknellik ( Dianthus barbatus 'Sweet ') med den blå grassorten Koeleria glauca 'Coolio' og den brune Carex 'Red Rooster i framkant. Foto: Alf Helge Søyland

Låge solsikker, Helianthus 'Teddy Bear' i forkant av Kolbehirse, Setaria italica 'Macrocheata'. Foto: Alf Helge Søyland

Palmelilja, Yucca filamentosa, tok ikkje skade av den strenge vinteren og står no med ein flott blomsterstand. Tehuset og lapanhagen i bakgrunnen. Foto: Alf Helge Søyland

Etter ein fin studietur i offentlege og botaniske hagar i Tyskland, andre veka av august, var det kjekt å kome heim til vår eigen botaniske hage, som no har vel så frisk og frodig bløming.

I tillegg er engene her grøne og gule av sveveblom og ein kan plukke villbringebær som ein elles saknar lenger sør i Europa på denne tida.

Mest bløming finn de i Solåkeren, rett innafor parkeringsplassen ved Vågelva. Her er det no georginer og Fucshia på sitt beste. Vidare prøvefelt for gode blomar for vestlandsforhold, bla. fiolar, nellik og løvemunn i ulike fargar.

Me fylgjer også trendane i Europa og har ein del av dei same dekorative bergknapp (Sedum) og grasartene som no har blitt så populære å bruke i steinbed og saman med sommarblomar.

De må også få med dykk ein flott raud orkide som står i lag med afrikanske middagsblomar i Fjellhagen.

I Nytteveksthagen ovanfor har me også i år spanande utstillingar av salat, graskar, ert og gamle kornsortar. Rundt denne hagen prøver me no ut eit nytt gjerde mot  brunsnigel basert på eit enkelt finmaska nett.

Elles har me fått laga til plass for eit nytt sitjebord som er gjeve til Japanhagen frå Olaf Grolle Olsens legat. Meininga med ein så brei firkanta benk lik den originale som stå på Meditasjonshøyden er at ein skal kunne sitte på alle fire sider og dermed få ulik utsikt i hagen rundt deg.

Dette er eit solid norsk handverk laga av haldbare tresortar av John Johansen. ”Cedertre” (Thuja plicata) på toppen og douglasgran ”Oregon Pine” (Pseudotsuga menziesii) som bein.

Her stikk den kraftige mørk raude oljeplanta, Ricinus communis over dei andre sommarblomane. I forkant er det pyntekorg, Cosmos bipinnatus og gul og kvit løvemunn, Anthirrium majus bak. Foto: Alf Helge Søyland