Søk om formidlingsstøtte

Informasjon om ordninga

Søknader vert vurderte av sekretariatet. Det vert lagt opp til rask sakshandsaming.

Generelle retningslinjer

• Alle aktørar i klynga har høve til å søkje om støtte
• Ved vurdering av søknader, vil kvalitet vere eit hovudkriterium, samstundes som der også vil verte gjort ei heilskapleg vurdering med tanke på utviklingsbehova i kunnskapsklynga
• Det kan søkjast om støtte til arrangement (t.d. utgifter til honorar, reiseutgifter, husleige, servering) og til andre formidlingsprosjekt, som t.d. film og brosjyre.
  Merk: denne ordninga inkluderer også støtte til seminar i samband med Polyfon-konferansen.
• Søknader skal vere grunngitt i behov i eit praksisfelt. Dette vert likevel forstått vidt, og vil t.d. kunne inkludere tema som praksisrelatert fagkritikk og/eller utvikling av føresetnader for praksisrelevant forsking 
• Prosjekt som inkluderer a) samarbeid mellom fleire deltakarar i klynga, og/eller b) samarbeid med brukarar eller pårørande, vil verte vurderte som særleg interessante

Når det gjeld samarbeid med brukar- og pårøranderepresentantar eller andre med erfaringskompetanse, gir Polyfon sin rettleiar for brukar- og pårørandemedverknad informasjon om gode praksisar for brukar- og pårørandemedverknad.

Krav til søknader og rapportering

Søknader sender du gjennom det digitale søknadsskjemaet, der du må informere om:  

• Personalia for kontaktperson (namn, tlf. og e-postadresse)
• Ansvarleg klyngdeltakar og evt samarbeidspartnarar i og utanfor klynga
• Personalia for næraste leiar (namn, tlf. og e-postadresse)
• Tittel på formidlingsprosjekt / arrangement
• Målgruppe
• Kort beskriving av korleis formidlingsprosjektet / arrangementet dekkjer behov i eit praksisfelt, og evt. korleis det kan fremme samarbeid
• Dersom initiativ til seminar i samband med Polyfon-konferansen: behov knytt til kapasitet og tidsramme
• Oppsummert beskriving av formidlingsprosjektet / arrangementet. Denne beskrivinga vil presenterast på Polyfons nettside dersom tildeling
• Enkel tidsplan for formidlingsprosjektet
• Søknadssum (for dei som søkjer støtte)
• Eigeninnsats (for dei som søkjer støtte)
• Budsjettdetaljar (for dei som søkjer støtte)
• Det skal lastast opp ein e-post der næraste leiar stadfestar godkjenning av søknad (sjå merknad nedanfor)

Innan ein månad etter arrangementet/produksjonen må søkjar/kontaktpersonen sende inn ein kort oversikt over kva midlane vart brukt til.

Økonomi, forankring og formidling

Aktuelle søknadssummar er avgrensa nedover til kr. 2.000,- og oppover til kr. 20.000,-, unntaksvis til ein høgare sum.  

Merk:

• Søknader skal vere godkjende av leiinga hjå aktuell klyngedeltakar. I det digitale søknadsskjemaet lastar de opp ein e-post der leiinga stadfestar 1) at den konkrete søknaden er godkjent, og 2) at aktuell klyngedeltakar tar ansvar for å ta i vare eventuelle problemstillingar knytte til personvern og etikk.
• Som hovudregel vert det forventa at klyngedeltakaren stiller med ein eigeninnsats som minst svarar til den summen det vert søkt om. 
• Ved tilslag, vert støtte utbetalt til søkjande klyngedeltakar, som forvaltar tildelinga.