Konferanse om kunstig intelligens

Intelligente Bergen 2023

Kor går grensene for kva vi kan få til med kunstig intellligens i dag, og kva mulegheiter og farar bringjer det med seg? Kva er lov? Og kva er lurt? Vi samler landets framste forskarar og ekspertar for å finne nokre av svara.

Foto/ill.:

UiB AI

Hovedinnhold

3. november 2023 inviterer Universitetet i Bergen til konferansen «Intelligente Bergen – kraftsenter for kunstig intelligens».

Intelligente Bergen skal samle næringsliv, offentleg sektor, forskarar og studentar i Bergensregionen for å få synleggjort forsking på og bruk kunstig intelligens (AI).

Konferansen utforskar nye samarbeidsmoglegheiter og opnar for dialog på tvers av fag og sektorar i regionen. Målet er å koble ulike aktørar og vise korleis kunstig intelligens brukast, studerast og utviklast ved ein bredde av sektorar i regionen, med særleg fokus på kva som er muleg, lovleg og lurt.

Konferansen er fysisk, og blir arrangert av UiB AI i samarbeid med Norwegian Cognitive Center, Helse Bergen og Bergen kommune.

Konferansen er fullteikna, men du kan registrere deg på venteliste her.

Dersom du likevel ikkje kan delta, gjer vennleg å melde deg av her. Då hjelper du oss å gjere arrangementet meir berekraftig, og gir plass til fleire frå ventelista.

Program:

Opning

0900 - 1000

Konferansier Odd Gurvin
Velkomen – Pinar Heggernes, prorektor ved Universitetet i Bergen
Opningsforedrag: Slik endrar kunstig intelligens norsk offentleg sektor og næringsliv – Klas Pettersen, leiar for Norwegian Artificial Intelligence Research Consortium (NORA)

Del 1: Kva er muleg?

Kor går grensene for kva vi kan få til med KI i dag, og kva moglegheiter og farar ser vi for oss?

1000 -1130

Står superintelligensen og bankar på døra? – Pål Grønås Drange, førsteamanuensis i algoritmer ved Institutt forInformatikk, Universitetet i Bergen
Kan kunstig intelligens fiske? – Jonas Dammen og Åsmund Brekke, Catchwise

1015 - 1030 Pause

Bruk av kunstig intelligens i diagnostikk av brystkreft – Hildegunn Siv Aase, spesialist i radiologi ved Haukeland universitetssjukehus
Kontroll av avløpsnettet ved hjelp av kunstig intelligens – Tore Lunde, ingeniør ved Bergen Vann

Del 2: Kva er lov?

Kva vil ny lovgiving på nasjonalt og europeisk nivå ha å seie for norske verksemder? Kva etiske og juridiske retningslinjer må verksemder lage for kunstig intelligens?

1130 - 1210

Temme kunstig intelligens med reglar og lover – «mission impossible»? – Malgorzata Cyndecka, førsteamanuensis ved Det juridiske fakultetet ved UiB
Forbrukarutfordringar i generativ kunstig intelligens – Finn Lützow-Holm Myrstad, fagdirektør i Forbrukarrådet
Kunstig intelligens for forsvarsformål – trugsmål, moglegheiter og avgrensingar – Ingebjørg Kåsen, forskingsleiar ved Forsvarets forskingsinstitutt

Lønsj

1210 - 1300

Del 3: Kva er lurt?

Er det lurt å utnytte alle moglegheiter innan kunstig intelligens, eller bør vi avgrense oss på nokre område? Korleis kan det brukast på ein ansvarleg og trygg måte?

1310 - 1445

Artificial intelligence and cryptography: threat or opportunity? - Nikolay Kaleyski, førsteamanuensis ved Institutt for Informatikk ved Universitetet i Bergen
Ikkje vent på europeisk KI-lov, lag køyrereglar for ansvarleg KI no! – Catharina Nes, rådgivar i Capto
Difor må media setje truverdet på spel – Chris Ronald Hermansen, redaksjonsleiar for Nyhetene i TV 2

1350 - 1400 Pause

Trugar kunstig intelligens inkludering og mangfald i samfunnet? – Hilde G. Corneliussen, forskingsleiar ved Vestlandsforsking
Kunstig intelligens for språklæring hos flyktningar - August Tidemann Klevberg, student i kunstig intelligens ved UiB
enkl. - bruk av ki til å tilretteleggje nyheitsartiklar - Svenja Lys Forstner og Thale Knudsen Kirkhorn, nyutdannede masterstudenter i medie- og interaksjonsdesign frå UiB (les meir)

Del 4: Panelsamtale: Optimisme eller bekymring?

1445 - 1530

Med Malgorzata Cyndecka, Chris Ronald Hermansen, Klas Pettersen, Hilde G. Corneliussen, Catharina Nes. Panelleiar: Siri Kleiven Strøm

Mat og mingling

1530 - 1630

Konferanse

03.11.2023 - 09.00–16.00

https://goo.gl/maps/BRrb5wSekPb9TpwW6

Annette Kathinka Servan

Lenke til venteliste

Legg til i din egen kalender

Tilknyttet innhold

Styrkar Bergen som kraftsenter for AI

Alt ligg til rette for at Bergen skal bli eit kraftsenter innan AI, kunstig intelligens. Forskarar, studentar, næringsliv og offentlig sektor var samla på Universitetet i Bergen for å få utløyst potensialet i Vestlandshovudstaden.

Intelligente Bergen - Kraftsenter for kunstig intelligens 4 november

Intelligente Bergen 2022

Intelligente Bergen skal samle næringsliv, offentlig sektor, forskere og studenter i Bergen for å styrke og fremme vår regions posisjon som nasjonalt ledende innen forskning på og anvendelse av kunstig intelligens (AI). Velkommen!

02.11.2023