Ragnhild Overå som veileder
Professor Ragnhild Overå rettleiar masteroppgåver i samfunnsgeografi.
Hovedinnhold
Fagleg interessefelt
Masteroppgåva mi for mange år sidan handla om kvinner si rolle i fiskeria i Ghana. Eg forskar på tema som småskala fiskeri, uformell økonomi, entreprenørskap, matsikkerheit, matsystem, oljeindustri, naturressursforvalting, migrasjon og byutvikling. Feltarbeid først og fremst i Ghana, men også i Zambia, Tanzania, og Kenya. Her kan du sjå nærare på kva eg forskar på no for tida.
Eg likar å diskutere og utvikle studentane sine eigne idéar og har rettleia masterprosjekt innanfor mange tema og område: Oversikt over oppgaver rettleia av Ragnhild Overå.
Forslag til tema for nye masterprosjekt
Eg kan rettleie på fleire tema, inkludert...
- Korleis påverkar satsinga på ‘blå økonomi’ (ressursutvinning og industriutvikling i havet og kystsona) lokale kystsamfunn?
- Fiskeri og/eller naturressursforvaltning
- Uformalitet og inkluderande byutvikling.
- Ulike tema med kjønnsperspektiv
Nokre idear til relevante tema for masterprosjekt:
- Oppdrettsnæringa i Afrika
- Preferansar og haldningar til konsum av oppdrettsfisk og villfisk
- Fiskehandel og matsikkerheit
- Kvinnelege fiskarar i Noreg
Kontakt
Om du vil diskutere idéar til masterprosjekt kan du gjerne kontakte meg på e-post (ragnhild.overa@uib.no) eller banke på døra mi (kontor 715).
