Mellomalderen og miljøet – boss, vatn og vær i tusen år
Gammalt boss er gull og kan lære oss mykje om dei som har levd før. Besøk stasjonen til mellomalderklynga på Festplassen!
Hovedinnhold
Boss kan vere gull verd! Å grave i gammalt avfall kan lære oss mykje om dei som har levd før oss. Bergen var ein av dei største og viktigaste byane i Norden i mellomalderen, og dagens Bergen er delvis bygd på boss frå fortida.
Under Bryggen og Vågsbunnen i Bergen finst det fleire meter tjukke lag med jord, søppel og restar etter hus og kaiar frå mellomalderen. Men kva skjer når bosset under føtene våre byrjar å råtne? Korleis kan vatn hjelpe oss med å bevare fortida – og gatene vi går på? Lær også meir om gjenbruk og skriftlege kjelder, og om teoriar kring klima, vêr og hav for tusen år sidan.
Klarer du å grave fram ditt eige potteskår, eller risse namnet ditt på ein runepinne? Gjer eit forsøk!
Arrangør er Mellomalderklynga, med deltakarar frå Universitetet i Bergen og Norsk institutt for kulturminneforskning (NIKU).
Forskningsdagane 2019
Forskningsdagene i Bergen inviterer til Forskningsfest på Festplassen. Her får du oppleve, prøve, eksperimentere, sjå og høyre om det spennande som skjer i forsknings- og utdanningsmiljøet i byen. Opplevinga for heile familien.
