Rosendalsveko 2026
Med Rosendalsveko samlar vi kunnskapsinstitusjonar, næringsliv, samfunnsliv og politikarar til idémyldring rundt klima, naturmangfold, energi, næringsutvikling og berekraft. Rosendalsveko 2026 går av stabelen 3. - 4. august.
Hovedinnhold
Bli med på Rosendalsveko 2026
Vi har gleda av å invitere deg til Rosendalsveko 2026, som går av stabelen
3.– 4. august på Folgefonnsenteret i Rosendal.
Sidan 2020 har Rosendalsveko samla forskarar, næringsliv, forvaltning og politikarar til ein unik møteplass for kunnskapsdeling, debatt og samarbeid om nokre av dei viktigaste utfordringane og moglegheitene samfunnet står overfor.
Årets tema er:
Klimatilpassing – frå kunnskap til handling
Korleis påverkar klimaendringane natur, friluftsliv, fjord og fjell? Kva val må vi ta i dag for å sikre berekraftige løysingar for framtida? Gjennom to dagar med faglege innlegg, politiske debattar og gode samtalar ønskjer vi å løfte fram både innsikt og handlingskraft.
Nokre av høgdepunkta i programmet
- Opningsinnlegg ved klima- og miljøminister Andreas Bjelland Eriksen.
- Natur under press – frå fjell til fjord, med innlegg frå leiande forskarar innan brear, permafrost, klima, arealforvaltning og naturmangfald.
- Politisk debatt om lokal versus nasjonal styring, moderert av Magnus Takvam.
- Framtidas havbruk – korleis kan ny teknologi bidra til betre berekraft og dyrevelferd i havbruksnæringa?
- Debatt om kraftbehov, kraftproduksjon og prioriteringar i den grøne omstillinga.
- Klima og friluftsliv i endring – om konsekvensar for reiseliv, naturbaserte opplevingar og arealbruk.
I tillegg vert det god tid til nettverksbygging, faglege diskusjonar og møte på tvers av sektorar. Måndag kveld inviterer vi til konferansemiddag i historiske omgjevnader på Baroniet Rosendal.
Program og påmelding
Praktisk informasjon
Rosendalsveko blir arrangert på Folgefonnsenteret i Rosendal, idyllisk plassert mellom fjord, fjell og Folgefonna.
Vi håpar du vil vere med når forsking, politikk, næringsliv og samfunnsliv møtest for å diskutere korleis vi kan omsetje kunnskap til handling.
Vi anbefaler å bestille overnatting tidleg:
- Rosendal Fjordhotell: https://www.rosendal-fjordhotel.no/
- Rosendal Turisthotell: https://www.rosendalturisthotell.no/
- Baroniet Rosendal: https://www.baroniet.no/overnatting/
Hjarteleg velkomen til Rosendal 3.– 4. august 2026!
Vil du ha oppdateringar på program og annan info om Rosendalsveko?
Meld deg på nyhendebrev her
Med venleg helsing
Programkomiteen for Rosendalsveko 2026