To professorar og tolv nyfikne studentar var starten på historisk institutt i 1957. I dag er historie ved AHKR eit av dei større faga ved Universitetet i Bergen, med utdanning på alle nivå. Historie ved AHKR har lenge vore kjenneteikna ved stor tematisk, geografisk og kronologisk spennvidde. Spennvidda strekkjer seg frå bronsealderen til notida, med fokus på Noreg, Norden, Europa, USA og Midtausten/Afrika. Breidda av fagspesialitetar både med omsyn til tid og tema er ein del av fagkulturen.

Fagmiljøet er opptekne av å formidle historie i skrift og tale, og vere synleg i media og samfunnsdebatten. Historie er eit populært fag fordi vi har satsar på godt organisert undervising, har engasjerte førelesarar og lang satsing på studentevaluering. Ved historie er forsking, formidling og undervising tett integrert. Historie som undervisningsfag har endra seg dei 10-20 år siste åra og har no varierte undervisingsformer og -tilbod. Historie var eit av dei første faga som tok i bruk mapper og digital læringsplattform (1993). Historie som fag har vore og er nyskapande.