AHKR201 – praksis i arbeidslivet

Emnet AHKR201 – praksis i arbeidslivet gjev studentar høve til å reise ut i praksis. Målet er at praktikantopphaldet utviklar den faglege kunnskapen deira når det kjem til aktuelle samfunnsaktørar og arbeidsgjevarar og at dei blir medvitne om si eiga yrkesrolle. Studentane skal òg bli kjente med korleis det er å arbeide ved ei verksemd eller institusjon der utdanninga deira er relevant.
 

Instituttet førebur studentane på emnet med eit oppstartsseminar, der ein mellom anna gjer studentane medvitne på sin eigen kompetanse og korleis dei kan bruke denne i praksis. Studentane skal dei seksten vekene emnet varer òg bli betre kjende med korleis verksemda eller institusjonen dei får praksisplass ved organiserer arbeidet sitt.
 

Instituttet har avtale med følgande:

• Arkivverket
• Bergen Byarkiv
• Bergen kommune (Fagavdeling for kunst og kulturutvikling)
• Bergens Sjøfartsmuseum
• Billedsamlingen UB
• Interkommunalt arkiv i Hordaland
• Kirkelig Dialogsenter Bergen
• Manuskript og librarsamlingen UB
• Memoar
• Museumssenteret i Hordaland 
• Museum Vest
• Skeivt arkiv
• Stiftelsen Espeland fangeleir og Gestapohuset i Veiten
• Universitetsmuseet
• Dokumentasjonsavdelingen Helse Bergen HF, Fagseksjon for papirforvaltning og depot