Verdifullt tilskot til kjønnsforskinga ved UiB
Professor i filosofi ved UiT, Annamari Vitikainen, er gjesteforskar hos Senter for kvinne- og kjønnsforsking (SKOK) ved UiB i studieåret 2021-2022.
Hovedinnhold
Vitikainen sine forskingsinteresser er hovudsakeleg innanfor samtidig politisk filosofi, sosial og global rettferd og kjønn og seksualitet. Dei siste åra har ho i stor grad jobba med problemstillingar tilknytt migrasjon, multikulturalisme og minoritetsrettar, med fokus på spørsmål knytt til "minoritetar innanfor minoritetar," til dømes LHBT+-flyktningar.
Ved UiT Noregs arktiske universitet leier Vitikainen forskingsgruppa Pluralism, Democracy and Justice, og ho er også medlem av Forskningsgruppe i feministisk filosofi.
Vitikainen har også fleire års erfaring med NFR-støtta forskingsprosjekt: Ho er medlem av prosjektet Indigenous Citizenship and Education (ICE), og deltok i det nyleg avslutta prosjektet Globalizing Minority Rights (GMR). Frå 2021 leiar ho sitt eige NFR-prosjekt: Good Integration (GOODINT): Goals and bottlenecks of good integration and social cohesion.
Ved SKOK er Vitikainen medlem av forskingsgruppa Kjønns- og seksualitetsforskningens grunnlagsproblemer.
I løpet av opphaldet ønskjer ho å få ei djupare forståing av kjønns- og seksualitetsrelaterte problemstillingar, også innanfor andre felt enn filosofi, og tileigne seg verdifull, empirisk fundert kunnskap om spørsmål knytt til migrasjon, integrasjon og inkludering.
– Filosofar er ofte avhengige av data framskaffa av samfunnsforskarar, og det tverrfaglege miljøet ved SKOK gir meg eit framifrå forum for den slags samarbeid og overføring av kunnskap, seier Vitikainen.
I følge konstituert senterleiar ved SKOK, Kari Jegerstedt, er Vitikainen er eit særs verdifullt tilskot til SKOK sin stab:
– Hun forsker på en rekke tilknyttede emner, som migrasjon, rettferdighet og seksualitet, men fra andre innfallsvinkler enn hos oss. Det blir det gode diskusjoner av. I tillegg har vi fått dratt nytte av hennes lange erfaring med å hente inn eksterne midler, og hun er en støttespiller for våre unge, uetablerte forskere som ønsker seg en karriere i akademia.
