Blå natur og ressursane i havet - forstå, verne, forvalte

Lågaregradsemne

Emnebeskrivelse

Mål og innhold

Havet er grunnlaget for livet på jorda. Det gir oss mat, arbeidsplassar, naturopplevingar og eit rikt biologisk mangfald, men står samstundes overfor utfordringar knytte til klimaendringar, forureining, naturtap og aukande press på areal og ressursar.

Dette emnet gir ei innføring i blå natur og ressursane i havet, og belyser samanhengane mellom marine økosystem, naturmangfald, ressursbruk og berekraftig forvaltning. Med utgangspunkt i Noreg som havnasjon og døme frå Vestlandet utforskar deltakarane korleis ressursane i havet kan nyttast på ein måte som tek vare på både naturverdiar og samfunnet sine behov.

Tema i emnet omfattar:

  • marine økosystem, biologisk mangfald og havet si tyding for livet på jorda
  • ressursane i havet og deira tyding for matproduksjon, verdiskaping og samfunnsutvikling
  • utfordringar for livet i havet, mellom anna klimaendringar, forureining og naturtap
  • berekraftig bruk og forvaltning av havområde og marine ressursar
  • interessekonfliktar og avvegingar mellom omsyn til natur, ressursbruk og verdiskaping

Læringsutbytte

Etter fullført emne skal studenten kunne:

Kunnskap

  • forklare kvifor havet er viktig for livet på jorda, og korleis marine økosystem og biologisk mangfald dannar grunnlaget for ressursane i havet
  • forklare sentrale utfordringar for livet i havet og for berekraftig bruk av havet sine ressursar
  • gjere greie for prinsipp for berekraftig havforvaltning og Noreg si rolle som havnasjon

Ferdigheiter

  • analysere samanhengar mellom ressursutnytting, naturmangfald og berekraft
  • identifisere og vurdere interessekonfliktar knytte til bruk av havområde og marine ressursar
  • nytte forskingsbasert kunnskap til å diskutere bruk og bevaring av blå natur

Generell kompetanse

  • reflektere over balansen mellom omsyn til natur, samfunnsinteresser og verdiskaping
  • finne, vurdere og bruke relevante kunnskapskjelder om marine problemstillingar
  • bidra med kunnskapsbaserte perspektiv i diskusjonar om havet sine ressursar

Studiepoeng, omfang

2,5 studiepoeng

Studienivå (studiesyklus)

Bachelor

Undervisningssemester

Vår

Undervisningssted

Undervisninga er heildigital og asynkron, og er organisert som nettbaserte læringsaktivitetar utan obligatorisk oppmøte til fastsette tidspunkt.

Krav til forkunnskaper

Ingen

Studiepoengsreduksjon

Ingen

Krav til studierett

Opptak til emnet skjer gjennom UiB sine nettstudium og vidareutdanningstilbod. Søkarar må søkje og få opptak før dei kan starte på emnet. Meir informasjon finn du her: https://www4.uib.no/studier/nettstudier-og-videreutdanning

Arbeids- og undervisningsformer

Undervisninga i emnet er heildigital og asynkron og blir gjennomført i den digitale læringsplattformen Mitt UiB. Studentane kan gjennomføre læringsaktivitetane når det passar dei innanfor fastsette fristar. Alt læringsinnhald, inkludert tekst, korte videoar, videoførelesingar, quizar og andre digitale læringsressursar, blir gjort tilgjengeleg gjennom Mitt UiB.

Obligatorisk undervisningsaktivitet

.

Vurderingsformer

Emnet nyttar mappevurdering som vurderingsform. Mappa består av oppgåver og quizar. Alle delane i mappa må vere beståtte for å få bestått karakter i emnet.

Karakterskala

Bestått/Ikkje bestått

Vurderingssemester

Vår

Litteraturliste

Litteraturlista vil vere klar innan 01.07. for haustsemesteret og 01.12. for vårsemesteret

Emneevaluering

Studentane skal evaluere undervisninga i tråd med UiB og instituttet sitt kvalitetssikringssystem. Evalueringar av emnet finn du i Studiekvalitetsbasen.

Programansvarlig

Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.

Administrativt ansvarlig

Institutt for biovitskap har det administrative ansvaret for emnet.