University of Technology, Sydney and Faculty of Law (BILATERAL - 3. og 5. studieår)

Om lærestaden

About the institution and the city

The University of Technology, Sydney (UTS) vart etablert i 1988 og er dermed eit av dei nyare universiteta i Australia, sjølv om røttene strekker seg tilbake til 1870. UTS er eit offentleg universitet, og er rangert som nummer éin blant dei nye universiteta i Australia. UTS har 9 fakultet og "schools", og campusen ligg i utkanten av businessområdet i Sydney. Studenttalet ved UTS som heilskap er nær 50 000 studentar, medan det er om lag 2000 studentar ved Law School.

Sydney er hovudstaden i den australske delstaten New South Wales og har over 4 millionar innbyggjarar. Byen er den største og viktigaste i Australia når det gjeld finans, transport, handel og kultur. Sydney er ein populær global og nasjonal turistdestinasjon, og blir gjerne omtalt som ein av dei flottaste og mest livlege byane i verda. Klimatisk ligg Sydney i den tempererte sona, og nyt godt av varme somrar og milde vintrar.

Accommodation

Universitetet har har studentbustader på campus og ein kan søke om å få bu der. Det er ikkje plass til at alle utvekslingsstudentar kan få rom her, og ein bør difor også byrje å sjå etter bustad på den private leigemarknaden parallelt med at ein søker om bustad på campus.

Dersom ein ikkje få bustad på campus, tilråd UTS at ein kjem til Sydney eit par veker før studiestart og bur i mellombels husvære medan ein leiter etter permanent husvære.

Semester duration

Frå juli til november og frå februar til juni.