Bilaterale avt ink joint degree between University of Bergen and University of Victoria

Om lærestaden

About the institution and the city

University of Victoria (UVic) blei etablert i 1963 og er eit av Canadas leiande forskingsuniversitet. Times Higher Education (THE) har rangert UVic som det ellevte beste universitetet i verda og på førsteplass i Canada blant universitet yngre enn 50 år. Det har om lag 22 000 studentar og studietilbod innan dei fleste fagdisiplinar.

Universitetet ligg i byen Victoria på Vancouver Island. Victoria har omlag 350 000 innbyggarar, og er hovudstaden i provinsen British Columbia. Campus ligg berre 15 minutt frå sentrum, og er lett å kome til med både buss og sykkel. Byen og øya kan tilby ei rekke spennande utandørsaktivitetar, som segling, surfing, golf, skisport, kvalsafari, djupvassfiske, og spanande kano- og kajakkturar i den vakre skjærgarden rundt øya. I tillegg byr byen på mange kulturelle aktivitetar, som internasjonale film- og musikkfestivalar, kunst- og kulturfestivalar og mykje meir.

Accommodation

UVic garanterer ikkje bustad på campus for internasjonale studentar, men kan hjelpe til med å finne bustad i nærleiken med den såkalla «Off Campus Listing Service». På nettsidene til UVic vil du finne meir informasjon om dette.

Semester duration

Studieåret er delt i tre, med eit sommartrimester og første og andre vintertrimester. For studentar ved UiB er det berre hausttrimesteret (vinter - første termin) og vårtrimesteret (vinter - andre termin) som er aktuelle.

Hausttrimesteret startar etter Labour Day i byrjinga av september og varer til desember. Vårtrimesteret startar i byrjinga av januar og varer til slutten av april.