Fleirstemd musikkpolitikk for framtida

Musikklandet

Pkt. 4.8 i NOU 2025: 7 handlar om musikk og helse, der musikkterapiens potensial og utviklingsbehov har ein tydeleg plass.

Utgreiinga peikar m.a. på kunnskapsklynga Polyfons arbeid med å støtte og stimulere meir systematisk implementering av kunnskap og arbeidsmåtar i tenester og tilbod. Det blir også vist til Polyfons årsmeldingar og den dokumentasjonen klynga har lagt fram om dei store regionale skilnadane i Noreg når det gjeld implementering.

Utvalet kjem med heilt konkrete tilrådingar for utvikling av musikkterapifeltet og peikar m.a. både på behov for tilskotsordningar og for ei tredje musikkterapeututdanning i Noreg.

Les heile NOU-dokumentet her.

Musikkterapi som «potensialsvinn»?

Under Arendalsuka vart NOU 2025: 7 diskutert, med vekt på «potensialsvinn». Med musikkterapi som eitt eksempel, har utvalet brukt dette omgrepet for å peike på gode praksisar innan musikkfeltet der potensialet ikkje vert realisert. Les meir om debatten på Kontekst.no (Kontekst.no er eit digitalt tidsskrift fra Creo – forbundet for kunst og kultur).

Musikkutvalet sin leiar kjem til Polyfon-konferansen 

Sigrid Røyseng, professor i kultursosiologi ved Noregs musikkhøgskole og leiar for det regjeringsutnemnde Musikkutvalet, heldt eit engasjerande plenumsføredrag under Polyfon-konferansen 14. november 2025. Kva grep kan takast for å lukkast med den nasjonale oppskaleringa av musikkterapifeltet som utvalet tar til orde for? Dette er diskusjonar du kanskje ønskjer å vere ein del av, også vidare?