Oversikt over organiseringa av Mellomalderklynga
Mellomalderklynga skal vere eit samlande organ for fagmiljø i Bergen og vestlandsregionen. Klynga er organisert slik at samarbeidspartnarane er representert i styringsorgana, og får administrativ støtte fra Universitetet i Bergen.
Hovedinnhold
Mellomalderklynga er organisert med ei styringsgruppe der dei fleste samarbeidspartnarane er representert, og ei samarbeidsgruppe (tidlegare kalla arbeidsgruppe) der alle samarbeidspartnarane er med.
Leiinga i klynga er forankra i rektoratet ved UiB, med viserektor som leier av styringsgruppa.
I tillegg til samarbeidsgruppa er det ulike, mindre prosjektgrupper som til ei kvar tid arbeider med forskjellige prosjekt og aktivitetar innafor klynga.
Klyngeadministrasjonen består av ei tverrfagleg faggruppe på 2-4 personar, ein klyngekoordinator, samt administrativ støtte frå HF-fakultetet. Klyngekoordinator fungerer som bindeledd mellom styringsgruppa og samarbeidsgruppa.
Styringsgruppa
Samarbeidspartane i Mellomalderklynga har éin plass kvar i styringsgruppa. Representanten blir oppnemnd av eigen institusjon og sit i styringsgruppa i kraft av si leiande rolle innafor denne institusjonen. Riksantikvaren har som direktorat valt å ikkje ta del i styringsgruppa. Styringsgruppa møtast minst ein gong i semesteret.
Madat for styringsgruppa
Styringsgruppa skal:
- Gi strategiske føringar for klynga og vedta strategiplanar
- Forankre klynga sin visjon og målsettingar og aktivitetar innafor eigen organisasjon
- Bidra til å promotere og å gjere klynga synleg nasjonalt og internasjonalt
- Godkjenne nye samarbeidspartnarar i klynga
- Diskutere idear til større satsingar i klynga
Samarbeidsgruppa
I samarbeidsgruppa (tidlegare kalla arbeidsgruppa) er alle samarbeidspartnarane med. Representantane blir oppnemnd av eigen institusjon. Samarbeidsgruppa møtast minst to gonger i semesteret.
Mandat for samarbeidsgruppa
Samarbeidsgruppa skal:
- Vere eit bindeledd mellom klynga og eigen organisasjon, og sørge for gjensidig informasjonsflyt om aktuelle aktivitetar og prosjekt
- Komme med og følge opp innspel til felles klyngeaktivitetar
- Bidra til å gjere klynga og aktivitetar i klynga synlege
- Støtte opp om samarbeidsprosjekt i regi av klynga der dette er aktuelt
- Bidra til støttetiltak rundt yngre forskarar
Faggruppa
Den tverrfaglege faggruppa på 2-4 personar er ein del av administrasjonen i Mellomalderklynga. Gruppa møter ca. ein gong i veka saman med klyngekoordinator.
Mandat for faggruppa
Faggruppa skal:
- Sørge for fagleg forankring innafor ulike fagmiljø på UiB
- Planlegge og koordinere gjennomføring av prosjekt og tiltak
- Forberede saker til samarbeidsgruppa
- Utarbeide forslag til langsiktige og strategiske prioriteringar for styringsgruppa og følge opp vedtekne strategiplanar
- Legge til rette for felles, tverrfaglege og tverrinstitusjonelle forskingsprosjekt
Klyngekoordinator
Klyngekoordinator fungerer som bindeledd mellom dei ulike gruppene i klynga, inkludert mellom klynga og HF-fakultetet og rektoratet. Klyngekoordinator møter ca. ein gong i veka saman med faggruppa.
Klyngekoordinator skal:
- Ivareta utviklings- og driftsoppgåver for Mellomalderklynga
- Bidra til å initiere, legge til rette for og fremme samarbeid mellom dei ulike samarbeidspartnarane
- Planlegge og gjennomføre prosjekt og tiltak saman med faggruppa og samarbeidspartnarar i klynga