Kva vil det seie å delta i ei undergruppe i Polyfon?

Per i dag er det ei undergruppe i Polyfon, nemleg Partssamarbeid Vestland. Erfaringane er gode, så vi ønskjer både nye deltakarar i Partssamarbeid Vestland og nye undergrupper i andre fylke velkomne. Ta gjerne kontakt dersom de vurderer klyngedeltaking, har spørsmål eller ønskjer nærare informasjon.

Rammer og vilkår

Kommunar og andre aktørar i ei undergruppe deltar i Polyfon med redusert deltakaravgift, sjå klyngeavtalens Vedlegg 4.

• Ei undergruppe er geografisk avgrensa og koordinert av ein fylkeskommune eller annan offentleg instans med ansvar for å bidra til samfunnsutvikling.
• I tillegg til kommunar, kan andre aktørar med relevant aktivitet søkje om å bli med i ei undergruppe, t.d. eit helseføretak, ein privat-ideell aktør eller ein regional høgskule med aktivitet på musikkterapiområdet.
• Deltakarane i ei undergruppe skriv under tiltredingsavtale til a) undergruppeavtalen <lenke til Vedlegg 5> og b) Polyfons klyngeavtale <lenke>.
• Eventuell utmelding av klynga skjer etter dei fristar og prinsipp som er fastsette i klyngeavtalen.

Fagleg aktivitet

Undergruppedeltakarar nyttar først og fremst klyngas ordningar for kunnskapsinformert praksisutvikling. Dei kan styrke kvalitet og omfang i eigen fagaktivitet ved at tilsette gratis kan:

• delta i undergruppas seminar, faglege nettverk og fellesskap
• få råd og fagleg støtte til planarbeid, prosjekt- og utviklingsarbeid
• delta i Polyfons seminar, webinar og konferansar, inkludert den årlege Polyfon-konferansen i november
• setje eigne faglege utviklingsbehov på agendaen, gjennom munnlege eller skriftlege innspel til kunnskapsklynga (kan gjelde tenesteutvikling, forsking eller kompetanse)  

Dessutan kan deltakarar i ei undergruppe vurdere om dei ønskjer å vere med i eventuelle forskingsprosjekt initierte av fylkeskommunen eller ulike enkeltdeltakarar i Polyfon.

Kvifor har Polyfon opna for deltaking i ei undergruppe?

Målsetjingane med å opne for deltaking gjennom undergrupper, er å:

• bidra til at fleire kommunar og andre aktørar får hjelp og støtte til å utvikle gode musikkterapitilbod og annan bruk av musikk som helseressurs
• gjere det mogeleg også for mindre kommunar og aktørar i ein region å engasjere seg i samarbeidet
• styrke praksisinformert kunnskaps- og kompetanseutvikling i alle delar av landet

Roller og ansvar

Undergruppedeltakarar, fullmektig/koordinator (vanlegvis ein fylkeskommune) og Polyfon har ulike roller og ansvar i samarbeidet. For detaljar sjå Vedlegg  5 til klyngeavtalen <lenke>

• Undergruppedeltakarar forpliktar seg til å setje utviklingsbehov innan musikkterapiområdet på dagsorden og å leggje til rette for deltaking undergruppesamarbeidet.
• Fullmektig forpliktar seg til å koordinere, gje råd og fagleg støtte, utvikle konferansar, nettverk og fagfellesskap etter behov og å representere undergruppa i Polyfon-samarbeidet.  
• Polyfon forpliktar seg til å gje fagleg støtte og å utvikle faglege ressursar, seminar og konferansar.