Saman med familien - Brukarmedverknad i brukarsentrert tverrfagleg samarbeid

Lågaregradsemne

Emnebeskrivelse

Mål og innhold

Emnet er eit vidareutdanningstilbod for deg som har ei rolle knytt til brukarmedverknad på individnivå, tenesteninvå eller systemnivå i møte med barn og familiar som treng støtte gjennom tverrfagleg samarbeid. Emnet er praksisnært og tek utgangspunkt i problemstillingar du sjølv møter i di verksemd. Emnet vil fremje utvikling av kunnskap om og praktisk kompetanse knytt til brukarmedverknad. Blant anna vil du kunne arbeide med å styrke kompetanse med planlegging, gjennomføring eller evaluering av brukarmedverknad i det tverrfaglege samarbeidet, saman med barn og familiar. Å reflektere over eigne oppfatningar og kulturen for brukarmedverknad i veksemda di, er ein viktig del av emnet.

Læringsutbytte

Kunnskap

Studentan kan:

  • Bruke ulike former for kunnskap om brukarmedverknad: Kva kan dei ha å seie for barn og familiar i tverrfaglege samarbeid?
  • Samanligne forskjellar og likskapar mellom brukarmedverknad med barn og familiar i tverrfaglege samabeid, og når ein individuell tenestebrukar eller ein enkelt hjelpar er involvert.

Ferdigheiter

Studenten kan:

  • Finne og utforske hindringar for brukarmedverknad med barn og familiar i tverrfaglege samarbeid.
  • Finne og utforske moglegheiter og ressursar som kan bidra til å fremje brukarmedverknad med familiar i tverrfagleg samarbeid.
  • Planlegge, gjennomføre eller evaluere brukarmedverknad i det tverrfaglege samarbeidet, saman med barn og familiar

Generell kompetanse

Studenten kan:

  • Reflektere over korleis eigne måtar å tenke, føle og vere på, spelar inn på den brukarmedverknaden som blir til i møte med barn og familiar.
  • Reflektere over korleis verksemda si typisk forstår og driv brukarmedverknad og korleis det spelar inn på den brukarmedverknaden som blir til i møte med barn, unge, familiar samt samarbeidspartnarar frå andre verksemder.

Fulltid/deltid

Deltid

Studiepoeng, omfang

5 studiepoeng

Studienivå (studiesyklus)

Bachelornivå

Undervisningssemester

Vår

Undervisningssted

Krav til forkunnskaper

Ingen

Anbefalte forkunnskaper

Ingen

Studiepoengsreduksjon

Krav til studierett

Dette emnet er eit vidareutdanningstilbod på bachelornivå.

Opptakskrav: Generell studiekompetanse eller tilsvarende realkompetanse, og minimum to års yrkeserfaring fra arbeid med barn, unge, familier eller annet relevant helse-, sosial-, oppvekst- eller velferdsarbeid.

Arbeids- og undervisningsformer

Undervisninga går over eitt semester. Delar av undervisninga vil skje i samlingar, anten nettbasert eller fysisk (synkron undervisning). Andre delar av undervisninga vil baserast på din eigenaktivitet, knytt til vår digitale læringsplattform (asynkron undervisning). I samlingar kan vi prioritere aktive læringsformer, til dømes øvingar i kollokviegruppe med andre studentar. På emnet sine samlingar vil studentgruppa vere spesielt tverrfagleg samansett, med studentar som tek emnet på masternivå. Det å lære frå ulike former for kunnskap om brukarmedverknad er grunnleggande for emnet. Samhandling mellom studentar med ulike bakgrunnar kan bidra til å fremje læring av ulike former for kunnskap om brukarmedverknad.

Obligatorisk undervisningsaktivitet

80% obligatorisk oppmøte på synkron undervisning.

Innlevering av opp til to obligatoriske arbeidskrav.

Vurderingsformer

Munnleg presentasjon

Karakterskala

Bestått/ ikkje-bestått

Vurderingssemester

Vår

Litteraturliste

Litteraturlista vil være klar innan 01.12. for vårsemesteret. I tillegg til kjernelitteratur tilrådd av emneansvarleg skal studentane utarbeide sjølvlagde litteraturlister.

Emneevaluering

Emnet vert evaluert i tråd med Det psykologiske fakultet sine rutinar for deltakande evaluering og UiB sitt kvalitetssikringssystem.

Programansvarlig

Institutt for helse, miljø og likeverd

Emneansvarlig

Institutt for helse, miljø og likeverd

Administrativt ansvarlig

Institutt for helse, miljø og likeverd