Årets tildeling av Polyfon sommarstipend
I år har Polyfon delt ut to sommarstipend for musikkterapistudentar. Det eine er knytt til prosjektet «Samskaping av Skranglefest», det andre til prosjekta «Music for Autism» (M4A) og «Memory for Music» (M4M).
Hovedinnhold
Mats Jøger har fått tildelt eit stipend på kr. 40.000,- til prosjektet "Samskaping av Skranglefest".
Skranglefest er ein festival som blei arrangert første gong august 2023 gjennom eit samarbeid mellom musikkterapeutar ved MO-sentra i Bergen kommune og Kirkens Bymisjon i Bergen. Skranglefest 2024 er under planlegging, og i søknaden står m.a. at "musikkterapeuter, erfaringskonsulenter og forskere, ønsker å gjennomføre et forsknings- og utviklingsprosjekt knyttet til den kommende utgaven av Skranglefest. Målet er å strukturere og styrke brukermedvirkningen før, under og etter gjennomføringen av festivalen, samt å kartlegge hvordan deltakerne opplever samarbeidet rundt å samskape Skranglefest. Videre ønsker man at Skranglefest 2024 skal utvikle seg som en festival som setter brukermedvirkning, samarbeid mellom kommunale tjenester, utdanning og kulturliv i front, og som gir kunnskap og erfaringer til innbyggere som kan bidra til redusering av skader og stigma tilknyttet rusavhengighet." Studenten vil m.a. ha ansvar for deltakande observasjon, transkribering av Bruker Spør Bruker-intervju, og utarbeiding av rapport til Polyfon.
Rettleiar: Lars Tuastad, førsteamanuensis ved Griegakademiet, UiB
Frida Spurkeland Sannerud har fått tildelt eit stipend på kr. 40.000,- for å jobbe med prosjekta "Music for Autism" (M4A) and "Memory for Music" (M4M).
Både M4A og M4M er internationale forskingsstudier. M4A er eit prosjekt i sluttfasen. Prosjektet undersøkjer om musikkerapi kan betre sosial kommunikasjon og deltaking hos barn med autisme (6-12 år), og om dette fører til endringar i hjernens funksjon og struktur. Studenten får hovudsakleg ansvar for å evaluere "Treatment fidelity" i 50 musikkterapisesjonar, basert på videoopptak, samt å bidra i analysen av terapeutane sine eigne rapportar frå sesjonane.
M4M er eit prosjekt i startfasen. Dette prosjektet vil undersøkje endringar i generell kognitiv funksjon og musikkminne hos vaksne med Alzheimer, og ein skal samanlikne effekt hos personar som får intensiv musikkopplæring vs effekt hos personar som får minimal musikkopplæring. Studenten skal her m.a. delta i utvikling av ein online database for datainnsamling, delta i skriving av REK-søknad o.l., samt bidra i komunikasjonen/samarbeidet med dei ulike internasjonale partnarane, med dei kliniske partnarane i Noreg, og med involverte brukarrepresentantar.
Rettleiar: Christian Gold, forskar I, NORCE
Polyfon sommarstipend
Polyfon lyser ut sommarstipend for musikkterapistudentar kvart år, med søknadsfrist 1. februar.
Studentar i musikkterapi eller musikk og helse ved Norges musikkhøgskole og studentar i musikkterapi ved Griegakademiet (UiB) er velkomne til å søkje om sommarstipend (det er ikkje mogleg for avgangsstudentar å søkje).
Sommarstipenda kan gjerne vere knytt til aktuelle prosjekt hjå dei ulike klyngedeltakarane.
