Masterprogram i fransk

Oppstart

Haust.
Det kan bli aktuelt å ta opp studentar også til vårsemesteret. Ta kontakt for informasjon.

Graden

Dette masterprogrammet fører fram til graden master i fransk. Studiet er toårig (120 studiepoeng).

Mål og innhald

Fransk masterstudium har som mål å gje kunnskapar på høgt nivå i fransk språk og franskspråkleg litteratur samstundes som det skal gje stor dugleik i munnleg og skriftleg bruk av moderne fransk. Masterstudiet siktar dessutan mot å utvikla ei kritisk og sjølvstendig haldning til problem og metodar innan dei vitskaplege disiplinane i faget.

Fransk masterstudium (120 studiepoeng) inneheld fem emne:

FRAN301/Teori, metode og litterære verk (15 stp)

FRAN302/Grammatikk, omsetjing og mellomalderfransk (15 stp)

FRAN303/Språkleg eller litterært seminaremne, skriftleg eksamen (15 stp)

FRAN304/Språkleg eller litterært seminaremne, munnleg eksamen (15 stp)

FRAN350/Masteroppgåve i fransk (60 stp)

Emna kan delast inn i tre delar:

- ein basisdel på 30 studiepoeng (FRAN301 og FRAN302)

- ein spesialdel på 30 studiepoeng (FRAN303 og FRAN304)

- masteroppgåva på 60 studiepoeng (FRAN350)

Når det gjeld dei to emna i spesialdelen, kan ein velja å gje dei eit lingvistisk og/eller litteraturvitskapleg innhald.

Mål og innhald

Masterprogrammet i fransk har som mål å gi kunnskapar på høgt nivå i fransk språk og franskspråkleg litteratur, samtidig som det skal gi solid kompetanse i munnleg og skriftleg bruk av moderne fransk. Masterprogrammet siktar dessutan mot å utvikle ei kritisk og sjølvstendig haldning til problem og metodar innanfor dei vitskaplege disiplinane i faget.

Fagleg profil

Ved instituttet blir det drive forsking innanfor fransk språk, litteratur, kultur og fagdidaktikk, samt i gråsona mellom litteraturvitskap, kultur- og samfunnsvitskap.

Oppbygging av studiet

Masterprogrammet strekkjer seg normalt over fire semester og er sett saman av tre delar: ein basisdel på 30 sp, ein spesialdel på 30 sp og masteroppgåva på 60 sp. Emna FRAN301 og FRAN302 utgjer basisdelen av studiet, mens emna FRAN303 og FRAN304 er spesialdelen og omfattar eitt språkleg og eitt litterært særemne.
Innhaldet i særemna varierer frå semester til semester og er knytt til den særskilte kompetansen og forskingsområdet til forelesaren. Det språklege emnet kan vere henta frå syntaks, leksikologi, tekstlingvistikk eller liknande område, mens det litterære emnet for eksempel kan vere knytt til ein genre, ein periode eller eit forfattarskap.
Nokre eksempel på tema frå tidlegare semester er "Le gérondif" og "Les expressions figées" i det lingvistiske emnet, og "L´autre langue en littérature et au cinéma" og "Chronotopie et identité" i litteraturemnet.

Eit masterprogram i fransk kan sjå slik ut:

1. semester:
FRAN301 - Teori, metode og litterære verk, 15 studiepoeng
FRAN303/FRAN304 - Språkleg eller litterært særemne, 15 studiepoeng

2. semester:
FRAN302 - Grammatikk, omsetjing og mellomalderfransk, 15 studiepoeng
FRAN303/FRAN304 - Språkleg eller litterært særemne, 15 studiepoeng

3. og 4. semester:
FRAN350 - Masteroppgåve, 60 studiepoeng

FRAN303 og/eller FRAN304 kan bytast ut med eit tverrfagleg emne, for eksempel LINGMET eller LITTEHF eller - etter søknad - med eit anna passande emne.

Masteroppgåve

Masteroppgåva skal skrivast på fransk og er ei prøve på vitskapleg arbeid innanfor fransk språk, litteratur, kultur eller fagdidaktikk. Omfanget av oppgåva er normalt 70-110 sider. Du får individuell rettleiing i arbeidet.

Metode

I arbeidet med masteroppgåva skal du på sjølvstendig vis ta i bruk metodar og vitskaplege arbeidsteknikkar frå fagområdet du arbeider med.

Oppstart

Haust.
Det kan bli aktuelt å ta opp studentar også til vårsemesteret. Ta kontakt for informasjon.

Opptakskrav

Bachelor- eller Cand.mag.-grad med spesialisering (90 studiepoeng) i fransk, eller liknande utdanning.

Studentar som ønskjer å søkja opptak til masterprogram i fransk på anna grunnlag enn det som er oppgjeve å vera godkjend spesialisering i faget (sjå studieplanen for fransk), må søkja om godkjenning på førehand, seinast innan 1. mai. Slike søknader må innehalda karakterutskrift/vitnemål, pensumliste og utgreiing om dei emna søkjaren meiner skal koma i staden for ei ordinær spesialisering. Ei eventuell godkjenning må leggjast ved søknaden til masterprogrammet.

Søknadsprosedyre

Du søkjer opptak til Det humanistiske fakultet. Meir informasjon om opptak og søknadsprosedyrar finn du her:

http://www.uib.no/hf/utdanning/opptak/opptak-til-masterstudium-ved-det-humanistiske-fakultet

Poenggrense ved siste opptak

Fagleg minstekrav er gjennomsnittskarakteren C eller betre i opptaksgrunnlaget. I fall det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget. Sjå http://link.uib.no/?1QO0l for meir om opptakskrav.

Meir infomasjon

studierettleiar@if.uib.no / 55 58 84 38

Mål og innhald

Fransk masterstudium har som mål å gje kunnskapar på høgt nivå i fransk språk og franskspråkleg litteratur samstundes som det skal gje stor dugleik i munnleg og skriftleg bruk av moderne fransk. Masterstudiet siktar dessutan mot å utvikla ei kritisk og sjølvstendig haldning til problem og metodar innan dei vitskaplege disiplinane i faget.

Fransk masterstudium (120 studiepoeng) inneheld fem emne:

FRAN301/Teori, metode og litterære verk (15 stp)

FRAN302/Grammatikk, omsetjing og mellomalderfransk (15 stp)

FRAN303/Språkleg eller litterært seminaremne, skriftleg eksamen (15 stp)

FRAN304/Språkleg eller litterært seminaremne, munnleg eksamen (15 stp)

FRAN350/Masteroppgåve i fransk (60 stp)

Emna kan delast inn i tre delar:

- ein basisdel på 30 studiepoeng (FRAN301 og FRAN302)

- ein spesialdel på 30 studiepoeng (FRAN303 og FRAN304)

- masteroppgåva på 60 studiepoeng (FRAN350)

Når det gjeld dei to emna i spesialdelen, kan ein velja å gje dei eit lingvistisk og/eller litteraturvitskapleg innhald.

Læringsutbyte/resultat

Ved fullført mastergrad skal kandidaten

• ha brei generell kunnskap innanfor faget og djupnekunnskapar innanfor eit avgrensa område
• ha grunnleggjande kunnskap om dei sentrale problemstillingane og metodane innanfor det sentrale fagområdet
• kunna arbeida sjølvstendig og langsiktig med problemløysing på grunnlag av faglege kunnskapar
• kunna setja seg inn i og vurdera kritisk teoriar, metodar og tolkingar innanfor fagområdet
• kunna skaffa seg og nytta kunnskap på nye område innanfor faget
• kunna gjennomføra eit avgrensa forskings- eller utviklingsprosjekt under rettleiing og i tråd med gjeldande forskingsetiske normer
• kjenna normene for akademisk skriving
• kunna bruka IKT-verktøy som er naudsynte for å gjennomføra eit sjølvstendig arbeid innanfor fagområdet
• sjølvstendig kunna halda fram med eiga kompetanseutvikling og spesialisering
• kunna uttrykkja på fransk faglege problemstillingar, analysar og konklusjonar innanfor eige fagområde
• kjenna til relevante kommunikative sjangrar
• kunna ta del i den offentlege debatten der denne rører ved fagområdet

Opptakskrav

Bachelor- eller Cand.mag.-grad med spesialisering (90 studiepoeng) i fransk, eller liknande utdanning.

Studentar som ønskjer å søkja opptak til masterprogram i fransk på anna grunnlag enn det som er oppgjeve å vera godkjend spesialisering i faget (sjå studieplanen for fransk), må søkja om godkjenning på førehand, seinast innan 1. mai. Slike søknader må innehalda karakterutskrift/vitnemål, pensumliste og utgreiing om dei emna søkjaren meiner skal koma i staden for ei ordinær spesialisering. Ei eventuell godkjenning må leggjast ved søknaden til masterprogrammet.

Tilrådde forkunnskapar

Masterstudiet i fransk byggjer på spesialisering i fransk frå bachelornivå innan ramma av ein cand.mag.- eller bachelorgrad.

Rekkefølje for emne i studiet

Masterstudiet er organisert som eit heiltidsstudium som strekkjer seg over fire semester. Rekkefølgja for emna i programmet kan til dømes vere:

FRAN301 (haust)

FRAN303 eller FRAN304 (haust)

FRAN302 (vår)

FRAN303 eller FRAN304 (vår)

FRAN350 (haust og vår)

Hovudopptaket til studiet er i haustsemesteret, men det er òg mogleg å søkja opptak til vårsemesteret. Studentar som startar i vårsemesteret vil normalt ta FRAN302 i staden for FRAN301 i sitt første semester. Ut over dette vil ein normal progresjon vera lik den som går fram av tabellen over.

FRAN303 og/eller FRAN304 kan bytast ut med tverrfaglege fakultetsseminar av tilsvarande type med tilhøyrande eksamen, eller, etter søknad, med andre høvelege emne ved Universitetet i Bergen eller ein annan utdanningsinstitusjon.

Krav til progresjon i studiet

Studenten skal byrja å planleggja oppgåva så tidleg som råd er, sjølv om hovudarbeidet med masteroppgåva (FRAN350) normalt utgjer det andre året i masterstudiet. Student og rettleiar teiknar rettleiingskontrakt seinast i byrjinga av andre semester.

Yrkesvegar

Ein mastergrad i fransk gjev god bakgrunn for undervisningsoppgåver på høgre nivå og for arbeid både i offentleg sektor og innan privat verksemd på felt der det internasjonaliserte samfunnet stiller store krav til språk- og kulturkunnskapar. Fransk masterstudium er òg utgangspunkt for forskarutdanning innan fransk lingvistikk og litteraturvitskap. Normert studietid for fransk masterstudium er fire semester.

Evaluering

Programmet blir evaluert i tråd med UiB sitt kvalitetssikringssystem.