Strategi og handlingsplan fram mot 2030
Kunnskapsklynga Polyfon arbeider nasjonalt for å styrke det kunnskapsinformerte og tverrfaglege samarbeidet om musikkterapi som behandling og helsefremmande arbeid og musikk som folkehelseressurs.
Hovedinnhold
Polyfons Strategi 2024-2030
Polyfons Strategi 2024-2030 skisserer det faglege og verdibaserte grunnlaget for Polyfon som ein permanent, nasjonal samarbeidsstruktur.
Strategien beskriv visjon, målsettingar, satsingar og verkemiddel fram mot 2030.
Polyfons styringsgruppe vedtok den nye strategien 20. mars 2024. Strategien erstattar Polyfons faglege plattform som gjaldt frå april 2021 til mars 2024, som igjen erstatta det faglege grunnlagsdokumentet for Polyfons prosjektperiodar 2015-2020 og for interimsperioden i 2021.
Les meir om strategiprosessen og strategigruppa.
Polyfons Handlingsplan 2025-2030
Polyfons Handlingsplan 2025-2030 konkretiserer arbeidet med å realisere Polyfons strategi.
Polyfons styringsgruppe vedtok den nye handlingsplanen 13. desember 2024. Før dette har klynga ikkje hatt handlingsplanar i formell forstand, men prioritert tiltak kontinuerleg, ut i frå årsmeldingar og andre rapportar om aktiviteten i klynga og samfunnseffekten av klyngas arbeid. Den nye handlingsplanen vil verte rullert årleg, med prioritering av konkrete tiltak for kvart kalenderår i klyngesamarbeidet.
Eit tverrfagleg felt
Klyngesamarbeidet omfattar formidling, tenesteutvikling, forsking og utdanning.
Som det går fram av både Strategien og Handlingsplanen, blir ikkje musikkterapi forstått snevert som ein metode, men som eit tverrfagleg felt som kan stimulere samarbeid og samskaping for ressursorienterte, brukarinvolverte og berekraftige tilbod og tenester.
Kunnskapsklynga Polyfon spring ut av musikkterapifaget, men arbeider med å utforske og formidle heile spekteret av samanhengar mellom musikk og helse, der helse blir forstått breitt, som ein ressurs for livskvalitet, meistring, læring og samfunnsdeltaking.
Helseomgrepet som er brukt i klyngas plandokument, går med andre ord på tvers av etablerte grenser mellom sektorar.
Om innhaldet i plandokumenta
Strategien inneheld
- beskriving av Polyfons avgrensing og kontekst
- presisering av klyngas visjon, verdigrunnlag, målsettingar, satsingar og verkemiddel
- definisjonar av sentrale omgrep i klyngesamarbeidet
- beskriving av metaforen og akronymet Polyfon
Handlingsplanen inneheld
- beskriving av klyngas nasjonale funksjon
- understreking av verdien av brukar- og pårørandemedverknad
- beskriving av tiltak for realisering av klyngas målsetjingar
- klargjering av prinsipp for evaluering, prioritering, samordning og arbeidsdeling
