Polyfons søkjarwebinar: Utviklingsstøtte
Planlegg du å søkja Polyfon om støtte til eit utviklingsprosjekt? Første søknadsfrist for Polyfons nye støtteordning er 1. juni. Vi inviterer til gratis søkjarwebinar 11. mai, for alle som er involverte i praksis- og tenesteutvikling i Polyfon.
Hovedinnhold
Velkomen til webinar måndag 11. mai kl 14.30-15.30 om korleis søkja på Polyfons ordning for utviklingsstøtte.
Eit utviklingsprosjekt innan denne støtteordninga må ha som mål å leggje grunnlag for meir og/eller betre musikkterapipraksis. Søknadsfristen er 1. juni.
Klynga har knutepunkt i tre regionar (sør, aust og vest). Vi ønskjer søknader frå klyngedeltakarar i alle dei tre regionane velkomne!
Ta gjerne kontakt med fagkoordinatorane for Polyfons regionale knutepunkt dersom du ønskjer råd om utvikling av eit prosjekt.
Webinaret vert leia av:
- Marie Strand Skånland, Polyfons fagkoordinator i sør (forskingsleiar / førsteamanuensis ved Ansgar høyskole)
- Hans Petter Paulen Solli, Polyfons fagkoordinator i aust (musikkterapeut / førsteamanuensis ved Noregs musikkhøgskole)
- Kaja Elise Åslid Enge, Polyfons fagkoordinator i vest (musikkterapeut i Bergen kommune / førsteamanuensis II ved UiB)
- Brynjulf Stige, Polyfons klyngeleiar (Professor ved Griegakademiet, UiB)
Vi startar webinaret med informasjon om mål og rammer for Polyfons utviklingsstøtte og om retningslinjer ved vurdering av søknader. Dernest opnar vi opp for å dele idear og å stille spørsmål, anten spørsmåla er generelle eller spesifikt knytte til eigne prosjektplanar.
Lenke til webinaret: https://teams.microsoft.com/meet/339212316693883?p=cgo8J5tLYpHAHUNIVX
