Home
Faculty of Mathematics and Natural Sciences

Warning message

There has not been added a translated version of this content. You can either try searching or go to the "area" home page to see if you can find the information there
Nyhet

På framsida av Science med romforsking frå UiB

Science er eitt av dei mest anerkjente vitskaplege tidsskrifta i verda. I januar er framsida via ny forsking frå UiB, med data henta frå Den internasjonale romstasjonen.

Gammastråler, illustrasjon
Photo:
Birkelandsenteret, UiB

I april 2018 vart teknologi utvikla og bygd på Birkelandsenteret for romforskning (BCSS) skote ut i rommet frå Cape Canaveral ved NASA Kennedy Space Center i Florida.

Avanserte måleinstrument vart plasserte på Den internasjonale romstasjonen gjennom forskingsprosjektet ASIM (Atmosphere Space Interaction Monitor), i regi av Den europeiske romfartsorganisasjonen (ESA). 

Instrumentet Birkelandsenteret har vore med å utvikla er det første og einaste i sitt slag, og flyg i bane rundt jordkloden for å måla gammaglimt som vert produsert i lyn.

– Vi forventar spanande ting framover, sa professor Nikolai Østgaard i 2018. Han leier Birkelandsenteret for romforskning (BCSS).

No er nye forskingsresultat klare og publiserte i det vitskaplege tidsskriftet Science. Data frå romstasjonen fortel oss meir om kva som skjer i den høgare atmosfæren når det lynar og tordnar

Det er ein intens konkurranse mellom forskarar å verta publiserte i tidsskriftet, og endå vanskelegare å få framsida. Over 30 000 artiklar vert sendt inn og vurderte kvart år, og rundt 2700 vert publiserte. 

– I dag har vi lukkast i nå heilt til toppen mellom alle håpefulle forskarar i verda. Det er ei stor ære og ei internasjonal anerkjenning av heile ASIM-teamet, Birkelandsenteret og det internasjonale forskingsfeltet, skriv Birkelandsenteret på sine sider.