For å nå dette målet, skal universitetet prioritera fylgjande tiltak:

• Sikra god rekruttering, kontinuitet og systematisk kompetanseutvikling.
• Leggje til rette for gode karrieremogelegheiter med vekt på kompetanseheving, språkopplæring og karriereplanar.
• Vidareutvikla fagleg og administrativ leiing og på same tid sikra at alle leiarar har forståing for universitetet sine kjerneverdiar og kjennskap til overordna mål, planar og strategiar.

Det er eit leiaransvar å leggje til rette for kompetanseutvikling for medarbeidarane, og den einskilde medarbeidar har eit ansvar for å halde vedlike og utvikle si eiga kompetanse.

Ved sida av den interne kursverksemda ved universitetet, er det ei rekkje tilbod innan etter- og vidareutdanning ved universitetet. Det er praksis for at medarbeidarar og leiarar tar enkeltkurs og program eksternt, tilpassa den enkelte og universitetet sine ynskje.

Teknisk og administrativt tilsette ved UiB kan søkje om økonomisk stønad til kompetanseutviklingstiltak utanfor universitetet. Søknad skal sendast til næraste leiar. Midlar til opplæring er satt av på fakulteta og i sentraladministrasjonen og føresetnad for støtte er at den enkelte eining dekker eit tilsvarande beløp.  Det er utarbeida eit eige søknadsskjema til dette. Tilsette på einingar under eit fakultet sender søknad til fakultetssekretariatet. Tilsvarande ordning gjeld for Universitetsbiblioteket og Universitetsmuseet. Tilsette i sentraladministrasjonen og ved andre einingar enn dei som er nemnt over, sender søknaden til Personal- og organisasjonsavdelingen.

Fakulteta organiserar på ulikt vis stønaden til dei vitskaplege tilsette. Ta kontakt med lokal instituttadministrasjon når det gjeld informasjon om økonomisk stønad.