Erna Solberg til SV-fakultetet
Høyres leiar og tidlegare student ved SV-fakultetet, Erna Solberg, kjem til Bergen i september for å tala til våre bachelorgradskandidatar.
Main content
Det samfunnsvitskaplege fakultet kan stolt informera om at Høyres leiar og mangeårige stortingrepresentant, Erna Solberg, tar turen til Bergen og Det samfunnsvitskaplege fakultet, for å vera hovudtalar på årets vitnemålsseremoni.
Vitnemålsseremonien
I år går vitnemålsseremonien av stabelen 10. september i ”Egget” på Studentsenteret. Her blir det høgtidleg utdeling av vitnemål til fanfarer og talar. Dette er tredje året det vert arrangert seremoni for bachelorgradskandidatane ved Det samfunnvitskaplege fakultet. Vitnemålsseremonien vil i år også markera avslutninga på jubileumsveka i samband med fakultetet sitt 40 års jubileum.
Erna Solberg som hovudtalar
Erna Solberg studerte ved fakultetet i fleire år, og har med seg mellomfag i både sosiologi, samanliknande politikk og sosialøkonomi frå Universitetet i Bergen. Som partileiar for eit av Noregs største parti og mangeårig stortingsrepresentant, er Erna Solberg ein av dei mest framståande studentane uteksaminert frå Det samfunnsvitskaplege fakultet. Fakultetet er difor svært glad for at ho no vil koma tilbake til fakultetet for å tala til våre bachelorgradskandidatar.
