Havforskningsinstituttet ved Sonal Patel

Nasjonalt institutt for havforsking har nærmare 700 tilsette. Havforskingsinstituttet held blant anna til i Bergen og Tromsø, og er det største marine forskingsmiljøet i Noreg. Hovudansvaret til Havforskingsinstituttet er ”å forske for å gi råd til det offentlege om akvakultur og økosystemet i Barentshavet, Nordsjøen og den norske kystsona”. Havforskingsinstituttet er finansiert av og gir råd til Fiskeridepartementet i Noreg. Mykje av forskinga skjer på forskingsstasjonane i Matre, Austevoll og Flødevigen, og på fartøya som til saman er på havet over 1600 døgn i året.

Havforskingsinstituttet har fleire forskingsgrupper som blant anna studerer miljøpåverknad, dyrevelferd og helse hos fisk og sjødyr, produksjon, populasjonsgenetikk, genomforsking, reproduksjon og vekst.

I helsegruppa som Sonal Patel jobbar konsentrerer dei seg om helse hos fisk og andre sjødyr, og førebyggande behandling mot sjukdom. For å førebygge sjukdom og utvikle vaksiner studerer gruppa mekanismane i immunforsvaret. Gruppa er fleirfagleg og representerer immunologi, mikro- og molekylærbiologi og farmakologi.

Forskingsgruppa inkluderer forskarar, stipendiatar og teknikarar. Molekylærbiologisk institutt samarbeider med Havforskingsinstituttet og det er derfor mulig å utføre masteroppgåva si her.

Andre grupper ved Havforskingsinstituttet jobbar med dyrevelferd og miljøpåverknad. Dei studerer korleis dødelegheita endrar seg ved stress, til dømes endring i temperatur. Dei ulike gruppene samarbeidar for å kunne auke kunnskapen om helsa til fisk og andre sjødyr. For å gjere dette er Havforskingsinstituttet avhengig av tilsette med ulik bakgrunn, til dømes molekylærbiologar.