Bergen Open Access Publishing

Bergen Open Access Publishing (BOAP) er ei publiseringsteneste som vert drifta av Universitetsbiblioteket i Bergen. BOAP støttar etablering og teknisk drift av opne, elektroniske tidsskrift eller skriftseriar for fagmiljø tilknytt Universitetet i Bergen.

Biblioteket tilbyr løysingar for fagmiljø som anten ønskjer å etablere eit vitskapeleg tidsskrift eller skriftserie med open tilgang til innhaldet, eller som vurderer å publisere eksisterande tidsskrift eller skriftseriar med open tilgang. Løysinga er basert på Open Journal Systems (OJS). Biblioteket står for den tekniske drifta av systemet, brukaropplæring og brukarstøtte. Redaksjonane er sjølv ansvarleg for administrasjon og publisering av tidsskrifta.

Ved å ta i bruk tenesta forpliktar redaksjonane seg til å publisere alt innhald med open tilgang, med ein Creative Commons-lisens og utan embargo. Det vert også stilt krav om regelmessig publisering. Les våre vilkår og retningslinjer for bruk av tenesta.

Om du har planar om å starte opp eit tidsskrift/skriftserie eller er på utkikk etter nye publiseringsløysingar for allereie etablerte kanalar, ta gjerne kontakt.

Sjå også vår side med nyttig informasjon for tidsskrift.

Har du spørsmål, kontakt oss på boap@uib.no