Sankta Sunniva – boklansering og seminar
Presentasjon av den nye boka «St. Sunniva – irsk dronning, norsk vernehelgen».
Main content
Den 7. september er det 850 år sidan levningane av den irsk-fødde helgenen St. Sunniva blei overført frå Selja til Bergen. Legenda om Sunniva har sett tydelege spor etter seg, og som ein del av Bergen by sitt 950 års-jubileum, blir det Sunnivafestival 4.–8. september.
I haust kjem ei ny bok om Sunniva ut, «St. Sunniva – irsk dronning, norsk vernehelgen», redigert av førsteamanuensis i mellomalderarkeologi Alf Tore Hommedal, professor i mellomalderlatin Åslaug Ommundsen, og forskar Alexander O’Hara. Boka har fokus på Sunnivas rolle i tida etter 1170, med bidrag av forfattarar frå Noreg, Irland og England.
I samband med Sunnivafestivalen vil boka sitt innhald og bodskap presenterast på Bryggens Museum, i påvente av at boka vil føreligge i trykt form seinare på året.
Arrangementet er gratis, men plass må tingast på førehand via hoopla.no
Arrangementet er ved Bjørgvin bispedømme i samarbeid med Universitetet i Bergen / Mellomalderklynga