Nytt student- og læringsområde på HF

Det humanistiske fakultet får nye student- og læringsareal på Sydneshaugen skole. Dette blir ein plass der du kan finne ro, inspirasjon og møte medstudentar mellom forelesingar og studieøkter. 

Her finn du fire opne og luftige rom, delt inn i soner som dekker ulike behov i studentkvardagen. Det er ope mellom romma, slik at du enkelt kan bevege deg mellom dei. 

Du har tilgang til: 

• Kjøkken - perfekt for ein kaffipause eller ein matbit.
• Stove - eit sosialt område for avslapping og prat. 
• Kontor - perfekt for lesing, gruppearbeid og diskusjonar. 

Alle romma har fleire sitjegrupper, der du kan velje om du vil studere aleine eller saman med andre eller berre ta ein pause. 

Romma har korttilgang, og HF-studentar kjem inn ved å bruke studentkortet.