Statsvetarar samla til fagleg fordjuping og nettverksbygging i Bergen

Nasjonal fagkonferanse 2025

6-8. januar 2025 samla heile Norges statsvetarmiljø i Bergen for den årlege nasjonale fagkonferansen i statsvitskap. Arrangementet ble arrangert av Institutt for politikk og forvaltning og Institutt for samanliknande politikk, og samla rundt 100 junior- og seniorforskarar frå over 15 ulike universitet og forskingsinstitutt.

Programmet inkluderte spannande paperpresentasjonar og faglege diskusjonar både i plenum og i arbeidsgrupper. Konferansen opna med plenumsforedraget “Norway, A Stable Democracy in Flux. Insights from the Oxford Handbook of Norwegian Politics” av Kristoffer Kolltveit (UiO), etterfølgt av panelsamtale med Simon Neby (UiB), Jana Belschner (UiB), Ruben Mathisen (UiB) og Torill Stavenes (UiB). De påfølgande dagane blei deltakarar samla til presentasjonar og diskusjonar i arbeidsgruppene for Offentleg politikk og administrasjon, Politisk åtferd og komparativ politikk, og gruppa for Internasjonal politikk og politisk teori. I gruppene kunne deltakarar dele innsikter, diskutere papers og styrke faglege nettverk.

Leder for konferansen, stipendiat Ingrid Kvåle Faleide utrykte stor tilfredsheit:
«Alt gjekk veldig bra. Det var godt frammøte og god stemning. Plenumssesjonen på første dag vart godt motteken og vart ein samtalebærar gjennom konferansen. Arbeidsgruppene fungerte godt med mange sterke papers og engasjerande diskusjonar. Eg har berre fått lovord frå deltakarane, så eg vil seie at dette vart ein suksess. Det har vore veldig kjekt å få vere med å bidra til å oppretthalde den fine tradisjonen som Nasjonal fagkonferanse er».

Vi takkar alle foredragshaldarar og bidragsytarar for ein flott konferanse! Ein spesiell takk til arbeidsgruppeleiarar og konferansekomitéen beståande av Ingrid Kvåle Faleide, Arild Farsund, Arjan Schakel og Anna K. Polster.