Bli seminarleiar våren 2025!

Våren 2026 skal vi undervise i emna Organisasjonsteori og Norsk politikk. For meir informasjon om emna, klikk på lenka under:

GOV112 – Organisasjonsteori (undervisast frå ca veke 3-8)

GOV113 – Norsk politikk (undervisast frå ca veke 10- 17)

Vi treng 2-3 seminarleiarar i begge emna. Dei aktuelle emna vert undervist i blokkformat, og difor vil jobben gå over rundt 5-6 veker. Kvart seminar varer i to timar, og det er vanleg å ha 1-3 grupper, altså 2-6 timar med seminarundervisning i veka pluss forberedelse og oppfølging. Emna inkluderer også oppgåveretting.

Per seminargruppe skal det holdes mellom 8-12 seminarmøter. Forberedelse og oppfølging er inkludert i timelønna, der eit seminar á to timar vert lønna som sju timars arbeid. Oppgåveretting vert honorert i tillegg til dette.

Som seminarleiar får du relevant arbeidserfaring, faglege og pedagogiske utfordringar, samt moglegheit til å repetere samfunnsvitenskapeleg grunnproblematikk.

Noverande og innkommande masterstudentar ved Institutt for politikk og forvaltning kan søke. Dersom du er særleg kvalifisert, kan masterkravet frafalle. Send inn søknad per e-post og legg ved CV og karakterutskrift. Skriv i søknaden kva emne(r) du vil vere seminarleiar i, og kor mange grupper du ynskjer å ha ansvar for.

Søknad med dokument eller spørsmål om stillinga sendast til vitskapeleg assistent Oda Persdotter Bolstad per e-post til oda.bolstad@uib.no

Søknadsfrist: 20.november 2025.