Godkjenning av tidlegare utdanning
Du kan søke om å få bruke anna utdanning som del av bachelor- eller mastergraden din ved Det humanistiske fakultet. Dette gjeld både norsk og utanlandsk utdanning.
Main content
Godkjenning av ekstern utdanning
Dersom du skal reise på delstudium i utlandet gjennom ein UiB-avtale, finst det eigne godkjenningsprosedyrar.
Om du har utdanning frå ein annan norsk utdanningsinstitusjon som du vil søke om å få bruke i graden din ved UiB, vil vi normalt kunne hente inn resultata frå andre norske lærestader. Du treng då ikkje å ettersende/vise fram original dokumentasjon.
Du kan sjekke om resultata dine er tilgjengelege i vitnemålsportalen. Dersom du finn resultata dine der, vil vi også ha tilgang til dei i vårt system.
Ved utanlandsk utdanning må du normalt vise fram original dokumentasjon. Det er viktig å kunne dokumentere heile utdanninga med karakterutskrift og/eller vitnemål som viser omfang, nivå og innhald av utdanninga. Ta med originaldokumentasjonen til Infosenteret ved HF for skanning/kopiering.
Du finn søknadsskjema til høgre på denne sida.
Innpassing av examen philosophicum eller innføringsemner
Dersom du har fullført examen philosophicum (ex.phil.) og /eller innføringsemner ved eit anna fakultet ved Universitetet i Bergen, vil dette vere godkjent også dersom du byter til eit studieprogram ved Det humanistiske fakultet.
Dersom du skal søke om innpassing av ex.phil. og/eller innføringemner vel «Innføringsemner» i søknadsskjemaet som du finn til høgre.
For informasjon om reglar i høve innpassing av ex.phil./innføringsemner., sjå Forskrift om studium ved Universitetet i Bergen.