University of Picardie Jules Verne (Amiens) and Department of Foreign Languages (ERASMUS+)

Om lærestaden

About the institution and the city

Université de Picardie Jules Verne er eit offentleg universitet frå 1968 som ligg i regionen Picardie i Frankrike. Det har namn etter den berømte forfattaren Jules Verne som budde i byen Amiens i ei årrekke. Her ligg universitetet sin største campus. To mindre campusar ligg i Beauvais og Soissons. Universitetet har 23 000 studentar fordelte på elleve fakultet og sju institutt.

Amiens er den største byen i Picardie med rundt 160 000 innbyggarar. Byen ligg 120 kilometer nord for Paris og knappe to timars togreise unna London. Byen er elles mest kjend for å arrangere den største julemarknaden i Frankrike kvar desember og for den vakre katedralen som står her. Denne stammar frå 1200-talet, har tilnamn som Den gotiske Parthenon og ruvar som landemerke i byen.

Accommodation

Universitetet tilbyr bustad for internasjonale studentar. Ein kan søke om rom så snart ein har fått opptaksbrevet. Norske studentar i Frankrike kan søke om økonomisk stønad til bustad gjennom Caisse d'allocations familiales (CAF). Det er òg mogleg å finne rimeleg prisa bustad privat i Picardie.

Semester duration

September - januar og januar - mai.