ChatGPT – eit nytt humanistisk lærings- og kunnskapsparadigme?
Alle tilsette ved HF som er involverte i undervisning, både fagleg og administrativt, er inviterte til digitalt seminar onsdag 19. april.
Main content
ChatGPT vart lansert i november 2022. Dette ein chatbot som reiser ei rad nye problemstillingar for alle som er involverte i utdanning på eitt eller anna vis. Eit sentralt spørsmål er kva den nye chatboten har å seia for vurdering og eksamen. I ein vidare forstand utfordrar han den kunnskapsproduksjonen som skjer gjennom lesing og skriving, som er kjerneaktivitetar innanfor humaniora.
I kva grad og på kva måte utfordrar ChatGPT humanistiske lærings- og erkjenningsformer? Kva moglegheiter har høgare utdanningsinstitusjonar til å handtera dei utfordringane ChatGPT representerer?
Innleiarar:
• Eirik Vassenden, professor i nordisk litteratur
• Førstebibliotekar Pål Steiner og representantar frå Universitetsbiblioteket
Delta på møtet via denne lenka
Digitalt undervisningsforum vert arrangert av Studiestyret ved HF ein gong i semesteret. Føremålet med forumet er å drøfta og utveksla erfaringar knytt til undervisning på tvers av fagmiljøa ved fakultet. Målgruppa er både undervisarar og administrativt tilsette.
