Lynghagen
Hagen vart opphavleg delt i 7 tema, men dette har endra seg gjennom åra, og ikkje alle dei opphavlege plantingane finst i dag.
Main content
Arboretets venner kom med ein lynghage som gåve 21. august 1996 då Det norske arboret feira 25 år. Hagen blei plassert nær veksthuset. Staden har eit gunstig lokalklima i solhellinga i kanten av den høgvaksne furuskogen, han ligg gunstig i høve til andre samlingar og i høve til publikum. Området trong eit større lyft for å retta opp att terrenget etter at ein sette opp nye veksthus i 1991.
6. juni 1999 kunne Arboretets venner sin leiar, Hanne Katinka Hofgaard overlevera Lynghagen til arboretdirektør Per Harald Salvesen.
Hagen vart opphavleg delt i 7 tema (vist i kart), men dette har endra seg gjennom åra. Nokre artar og kultivarar har synt seg meir robuste enn andre, og ikkje alle dei opphavlege plantingane finst i dag.
- Overgang mot Sørlige halvkule
- "Blomsterlyng”
- Lappeteppet
- Blandet selskap
- Kalkknaus (flytta over vegen i staden for nr. 6)
- Sur, skrinn knaus og sandjord (sidan bytta med nr. 5. kalkknaus)
- Myrfeltet
I nedre delen mellom vegen gjennom lynghagen og parkeringsplassen ved garasjen ligg eit område der tanken var/er å visa lyng saman med andre plantar, som vårblomar, fjellhageplantar og dvergbartre. No er det tydeleg at mange av bartrea, òg dei over mot Blondehuset, ikkje lenger er for dvergar å rekne.
Referanser (Last ned her)
- Handeland, S. 2000. – Lynghagen i Arboretet blir til – Årringen 2000 (4): 24-32
- Petterssen, E. B. & Handeland, S. 2001. – Lyng i Det norske arboret. Del 1. Vårlyng – Årringen 2001 (5): 4-22
- Petterssen, E. B. & Handeland, S. 2002. – Lyng i Det norske arboret. Del 2. Sommerblomstrende lyng – Årringen 2002 (6): 65-93
- Petterssen, E. B. & Handeland, S. 2003. – Lyng i Det norske arboret. Del 3. Klokkelyng og purpurlyng, de norske Erica-artene – Årringen 2003 (7): 31-46
